1 — Papialcovaja sierada ŭ katalikoŭ.
1 — 425 hadoŭ (1481) z dnia stvareńnia Trybunału VKŁ — najvyšejšaha apelacyjnaha sudu dziaržavy.
1 — 125 hadoŭ (pavodle staroha stylu) z dnia zabojstva Alaksandra II biełaruskim naradavolcam Ihnatam Hryniavickim.
4 — 50 hadoŭ tamu ŭ Biełastoku pačała vychodzić hazeta «Niva».
7 — 225 hadoŭ z dnia naradžeńnia Juzafa Zavadzkaha, słynnaha vilenskaha drukara (1781—1838).
7 — 75 hadoŭ z dnia śmierci etnohrafa Paŭła Dziemidoviča (1871—1931). Pachodziŭ z kołasaŭskaj Mikałajeŭščyny. Aŭtar pracaŭ pra biełaruskija narodnyja śviaty.
7 — 75 hadoŭ z času stvareńnia Biełaruskaj telehrafnaj ahiencyi (BiełTA).
8 — 75 hadoŭ z dnia naradžeńnia Siamiona Padokšyna (1931—2004), filozafa j historyka-medyjavista, daślednika kultury Renesansu j Refarmacyi.
14 — 75 hadoŭ z dnia naradžeńnia prazaika Paŭła Miśka (1931), aŭtara dziciačaj knihi «Pryhody Bulbobaŭ». Pierakłaŭ «Miortvyja dušy», «Kańka-Harbunka».
14 — 75 hadoŭ z dnia naradžeńnia aktora-kupałaŭca, narodnaha artysta Biełarusi Paŭła Dubašynskaha (1931—2000).
19 — 75 hadoŭ z dnia naradžeńnia litaraturaznaŭcy Hienadzia Kisialova (1931) — daślednika historyi biełaruskaj kultury XIX st., jaki znajšoŭ praŭdzivyja imiony aŭtaraŭ paemaŭ «Taras na Parnasie» i «Eneida navyvarat».
19 — Dzień śviatoha Jazepa ŭ katalikoŭ i prezydenckija vybary ŭ Biełarusi.
23 — 100 hadoŭ z dnia naradžeńnia kampazytara Isaka Lubana (1906—1975), aŭtara muzyki dla pieśni na słovy Adama Rusaka «Byvajcie zdarovy, žyvicie bahata».
25 — Dzień Voli.
25 — Źviestavańnie ŭ katalikoŭ.
27 — 100 hadoŭ z dnia naradžeńnia muzykaznaŭcy falklarystki Lidzii Mucharynskaj (1906—1987), zasnavalnicy etnamuzykaznaŭčaj škoły ŭ Biełarusi.
29 — 75 hadoŭ z dnia naradžeńnia Vikiencija Dźmitryjeva (1931), trenera pa mastackaj himnastycy. Jahonaj vučanicaj była alimpijskaja čempijonka (1972) Tamara Łazakovič.
30 — 50 hadoŭ z dnia naradžeńnia piśmieńnicy Chryściny Lalko (1956), hałoŭnaj redaktarki časopisu «Naša Viera».