Ab hetym jon zajaviŭ u intervju hałoŭnamu redaktaru radyjostancyi «Russkaja słužba novostiej» (RSN) Siarhieju Darenku.
«Ja sam nie čytaŭ, mianie prainfarmavali, što dzieści Pucin skazaŭ Mileru, što treba na „Biełtranshazie“ pavyšać udvaja zarpłatu i inšaje. U nas heta śmiech vyklikała. Dy navošta ŭ nas? Vy pavysili vajennym napiaredadni vybaraŭ zarpłatu, jašče panaabiacali, a „Adzinaja Rasija“ pałovu nie atrymała, z usimi administracyjnymi resursami. Ludzi razumiejuć, što heta blef», — ličyć Łukašenka.
«Vy spačatku ŭ Rasii ŭsim katehoryjam uzdymicie zarpłatu, i my tady paraŭnajem nas i vas, — pradoŭžyŭ jon. —
A tak u vas siaredniaja zarpłata vyšejšaja za našu krychu dziakujučy tamu, što ŭ vas vierch atrymlivaje miljardy abo sotni miljonaŭ dołaraŭ.I ŭsio ŭ siarednim dobra. Ale naš narod bačyć, jak žyvie u vas siaredzina i ŭniz. My ž heta bačym. U nas hetaha niama. U nas niama hetych aliharchaŭ.
U nas ad prezidenta, jakoha ličać hałoŭnym aliharcham krainy, da sielanina — voś jana, zarpłata, prazrystaja, i jana dzielicca i vyvodzicca siaredniaja zarabotnaja płata.Vy heta pakažycie. A heta takija štučki pijaraŭskija…»
«Kali vy tam (na „Biełtranshazie“ uzdymiecie zarabotnuju płatu, heta nie značyć, što vy tak užo zanadta zrobicie zarpłatu bolšaj, čym u nas u siarednim pa krainie. Nie, my ciapier, vychodziačy z hetaha finansavaha dysbałansu, heta navat nie kryzis — razbałansavałasia finansavaja sistema ŭ suviazi z hetym, i devalvacyja rubla da hetaha pryviała. My ciapier padciahvajemsia. I ja ŭpeŭnieny, što ŭ nastupnym hodzie my ab hetym zabudziem, navat u pieršym paŭhodździ», — paabiacaŭ Łukašenka.
3 śniežnia na sustrečy z kiraŭnikom «Hazproma» Alaksiejem Mileram Uładzimir Pucin skazaŭ nakont «Biełtranshazu»: «Mabyć, vam treba budzie padumać nad pavyšeńniem uzroŭniu zarabotnaj płaty, majučy na ŭvazie, što ciapier heta poŭnaściu vaša pradpryjemstva. A ŭ adpaviednaści z peŭnaj kateharyjnaściu «Hazproma» pradpryjemstvy takoha rodu pavinny mieć adpaviedny ŭzrovień zarabotnaj płaty. Jak vidać, razy ŭ dva vam treba budzie pavysić uzrovień zarabotnaj płaty ŭ «Biełtranshazie».
Miler naviedaŭ minski ofis «Biełtranshazu» 8 śniežnia. Na sustrečy z kalektyvam jon paabiacaŭ, što zarpłata supracoŭnikaŭ hetaj kampanii vyraście ŭ try razy.
Dahavor ab prodažy «Hazpromu» astatnich 50% akcyj AAT «Biełtranshaz» byŭ padpisany ŭ Maskvie 25 listapada. Paśla hetaha rasijski hazavy chołdynh kansalidavaŭ 100% akcyj biełaruskaha pradpryjemstva.
Maryna Nosava, BiełaPAN.
