Minski abłasny sud 16 śniežnia padtrymaŭ apraŭdalny pryhavor suda Krupskaha rajona ŭ dačynieńni jak minimum troch zatrymanych padčas milicejskaha rejdu ŭ hetym rajonie 18–20 listapada. Pra heta paviedamili pravaabaroncy. Skarhi na rašeńni rajonnaha suda padavalisia za podpisam načalnika Krupskaha RAUS Sacuka.
Nahadajem, 21 listapada vidavočcy raspaŭsiudzili ŭ internecie infarmacyju pra masavyja zatrymańni i źbivańni hramadzian na dyskatekach i ŭ načnych kłubach milicejskim śpiecnazam u Krupkach. Adnak častka zatrymanych, u tym liku šerah ludziej, jakija praviali ŭ čakańni suda niekalki dzion za kratami, zatym byli apraŭdany. Pavodle nieaficyjnaj infarmacyi, takich było siem čałaviek.
22 listapada UUS Minabłvykankama abvierhła abvinavačańni ŭ niepravamiernych dziejańniach supracoŭnikaŭ milicyi.Zhodna z aficyjnaj zajavaj dla stabilizacyi kryminahiennaj abstanoŭki ŭ Krupskim rajonie kiraŭnictvam abłasnoj milicyi było pryniata rašeńnie ab praviadzieńni tut 18–20 listapada apieracyi «Pravaparadak» z pryciahnieńniem 11 supracoŭnikaŭ padraździaleńnia milicyi śpiecyjalnaha pryznačeńnia.
U jakaści prykładu UUS paviedamiła, što 18 listapada kala 23.30 da supracoŭnikaŭ milicyi ŭ formiennym adzieńni (namieśnik načalnika RAUS i načalnik adździaleńnia achovy pravaparadku), jakija praviarali niasieńnie słužby naradami, źviarnułasiaNiećviarozy małady čałaviek z butelkaj piva sprabavaŭ prajści na dyskateku, na admovu bileciora jaho prapuścić pahražaŭ joj i hučna łajaŭsia matam. Kali milicyjaniery prapanavali jamu prajści dla vyśviatleńnia akaličnaściaŭ na vulicu, chłopiec praciahvaŭ łajacca, pry hetym pahražaŭ im svaimi šyrokimi suviaziami i dalejšym zvalnieńniem sa słužby. U vyniku jaho pasadzili ŭ słužbovuju mašynu i dastavili ŭ RAUS dla składańnia pratakoła za drobnaje chulihanstva i niepadparadkavańnie supracoŭnikam milicyi. Paśla hetaha ŭ kafe zajšli ŭčastkovy inśpiektar milicyi i dvoje supracoŭnikaŭ PMSN. U hety čas niećviarozy naviedvalnik sprabavaŭ učynić bojku ź inšymi adpačyvalnikami. Milicyjaniery prapanavali jamu vyjści ź imi na vulicu, adnak jon admoviŭsia, pry hetym akazaŭ supraciŭleńnie: mužčyna ŭdaryŭ nahoj u tvar ŭčastkovamu inśpiektaru milicyi, paśla čaho na jaho byli nadziety naručniki.kasir-bilecior kafe «Bistro» na vulicy Maskoŭskaj u Krupkach.
Za try dni na terytoryi Krupskaha rajona byli pravierany 19 dyskatek i zabaŭlalnych ustanoŭ.
U vyniku za ŭčynieńnie drobnaha chulihanstva aštrafavany 13 čałaviek, za znachodžańnie ŭ niećviarozym vyhladzie ŭ hramadskich miescach — 27 čałaviek, adzin zatrymany za zachoŭvańnie narkotykaŭ(znachodziačysia ŭsio ŭ tym ža kafe «Bistro», mieŭ pry sabie 3,3 hrama marychuany).
25 listapada dziejańni abłasnoj milicyi padtrymaŭ namieśnik ministra ŭnutranych spraŭ Jaŭhien Połudzień, jaki ciapier znachodzicca pad vartaj pa abvinavačańni ŭ karupcyjnym złačynstvie. Jon papiaredziŭ, što z ulikam kryminahiennaj abstanoŭki ŭ tych ci inšych rehijonach krainy takija milicejskija rejdavyja mierapryjemstvy buduć pravodzicca i nadalej.
Situacyju, što skłałasia na siońniašni dzień, va UUS Minabłvykankama pakul nie kamientujuć.
