Udzielniki połackaha klubu «Rošva» inicyjavali cikavy prajekt — «Połacki abiaroh». Dałučycca da jaho moža kožny, chto ŭmieje trymać u rukach hołku ź nitkaj. Treba ŭsiaho tolki pasšyvać z akraŭkaŭ pano pamieram 45 na 45 sm u luboj technicy, albo zrabić haft takoha samaha pamieru.
Da 20 traŭnia «Rošva» źbiraćmie pracy, a potym ich pasšyvajuć u vieličeznuju strakatuju połku. Heta i budzie abiaroh dla Połacku.
Jak raspaviała kiraŭnica klubu Nina Jarmuch, u abiareh uvojduć usie pracy, navat zroblenyja dziećmi albo navičkami. Na siońnia sabranyja ŭžo 80 maleńkich pano. Ich dasyłajuć nia tolki žycharki Połacku, ale j majstrychi ź inšych haradoŭ Biełarusi i navat z Rasiei.
Padobnyja prajekty nie adnojčy pravodzilisia za miažoj, ale ŭ Biełarusi Połacak stanie pieršym horadam, jaki zajmieje taki abiaroh.
Achvotnyja da ŭdziełu ŭ prajekcie, mohuć dasyłać svaje tvory ŭ Centar ramiostvaŭ i nacyjanalnych kultur, jaki mieścicca ŭ Połacku na vulicy Lenina, 27.
