Pres-sakratar MUS Kanstancin Šalkievič zajaviŭ, što ad hramadzianak Ukrainy «nijakich piśmovych zajavaŭ nie pastupała».
«U pasolstva Ukrainy pretenzij da milicyi niama, ź ich boku taksama nie pastupała nijakich piśmovych zajavaŭ pavodle stanu na toj čas, kali ŭkrainski konsuł pakinuŭ Jelski RAUS. Pravieračnyja zachady ciapier pravodziacca supracoŭnikami milicyi, ale na padstavie taho, što nam stała viadoma pra nibyta ŭčynienaje pravaparušeńnie — heta ŭčora stała viadoma ź internetu. Učora było adpaviednaje reahavańnie, vyjazdžała apieratyŭna-śledčaja hrupa. U ramkach taho, što nam stała viadoma, zaraz pravodziacca adpaviednyja pravieračnyja miery», — zajaviŭ Šalkievič.
Lidar supołki Femen Hanna Hucał reahuje na padziei pa-žanočamu emacyjna: «Ja razumieju, što patrabavać zavieści kryminalnuju spravu ŭ krainie, dzie niama prava ŭ pryncypie, heta nierealna. My budziem patrabavać ad MZS Ukrainy pisać dypłamatyčnuju notu. My budziem patrabavać ad mižnarodnaj supolnaści ŭvodzić mižnarodnyja sankcyi, ale nie ekanamičnyja, bo nie treba, kab pakutavaŭ biełaruski narod. Pisać zajavy?! Kudy my budziem pisać zajavy? U KDB vaš? Heta nie maje sensu!».
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»9
Kamientary