Uvaha! Kali niechta bačyŭ, jak zatrymlivali Mikałaja Kazłova 19 śniežnia 2011 h. prykładna ŭ 19.15 na pierachodzie ad univiersama Centralny na Kastryčnickuju płošču — źviažyciesia, kali łaska, z
Mikałaj Kazłoŭ — padpałkoŭnik milicyi ŭ adstaŭcy, jaki ŭ 2008 h. paśla parłamienckich vybaraŭ raskazaŭ pra miechanizm falsifikacyi hałasoŭ na vybarčym učastku, jaki jon musiŭ achoŭvać padčas daterminovaha hałasavańnia.
Fakt falsifikacyi ŭłady rasśledavali farmalna, a voś na pryncypovaha milicyjaniera pačali sapraŭdny cisk, paśla čaho Kazłoŭ ź milicyi zvolniŭsia. U 2010 hodzie Mikałaj Kazłoŭ braŭ udzieł ŭ akcyjach maŭčańnia na Kastryčnickaj płoščy i cudam paźbieh zatrymańnia. Ale kali były padpałkoŭnik pryjšoŭ 19 śniežnia 2011 h. na płošču znoŭ, to jahonyja byłyja kalehi hetaha nie daravali.
Mikałaja Kazłova asudzili nibyta za niecenzurnuju łajanku i niepadparadkavańnie, chacia ŭ sudzie jon zmoh dakazać, što znachodziŭsia zusim nie ŭ tym miescy, jakoje paznačana ŭ pratakole zatrymańnia.
U 2010 h. «Našaj Nivaj» jon byŭ pryznany čałaviekam hoda.
