Vystavačny prajekt «Company & Ceśler» adkryjecca 3 studzienia ŭ Minsku ŭ vialikaj zale Muzieja sučasnaha vyjaŭlenčaha mastactva (pr. Niezaležnaści, 47).
Ekspazicyju składuć abjekty Uładzimira Ceślera, lalki Aleny Bajračnaj, skulptury Mikałaja Bajračnaha i Viktara Mińko.
Hałoŭny abjadnalny akcent u ekspazicyi pabudavany na spałučeńni vysokaha prafiesijnaha majsterstva ź indyvidualnymi aŭtarskimi aranžyroŭkami, jakija praz tonkuju hulniu z sensami vychodziać za miežy banalnaści i pieratvarajuć ich u estetyčna paŭnacennyja mastackija abjekty. Pryncyp sintezu, złučeńnie niezłučalnaha pakładzieny ŭ asnovu praktyčna ŭsich tvoraŭ, pradstaŭlenych u ekspazicyi. Z estetyčnaha punktu hledžańnia kožnaja z rabot čatyroch mastakoŭ abjadnoŭvaje minułaje z sučasnaściu.
U pradstaŭlenych
Małady skulptar Viktar Mińko ŭ svaich rabotach vybiraje źniešnie vielmi efiektny šlach sintezu fantazijnaha i realnaha. Jaho nievialikija pa pamierach bronzavyja kampazicyi niasuć adbitak łakanizmu i manumientalnaści. Paradaksalnaja vobraznaść kožnaj ź ich naradžajecca dziakujučy vałodańniu skulptaram niuansami asablivaj vizualnaj i płastyčnaj hulni z hledačom.
Lalki Aleny Bajračnaj taksama arhanična ŭpisvajucca ŭ kantekst vystaŭki. Spałučajučy ŭ sabie skrupuloznuju dakładnaść rekanstrukcyi histaryčnaha kaściuma sa zvarotam da nieśviadomaha ŭ čałavieka, jany ŭnosiać niepaŭtorny hulniavy akcent u ekspazicyju, jakoj Muziej sučasnaha vyjaŭlenčaha mastactva pačynaje novy vystavačny hod.
Vystaŭka «Company & Ceśler» pradoŭžyć pracavać da 21 studzienia.
