Hałoŭny architektar Minska choča spynić panelnaje budaŭnictva 16

Dla źnižeńnia cany kvadratnaha mietra žytło ŭ Minsku budujecca ŭ asnoŭnym u panelnym vykanańni. Adnak, jak adznačaje niadaŭna pryznačany na pasadu staršynia Kamiteta architektury i horadabudaŭnictva Minharvykankama Alaksandr Piatroŭ, bolšaja častka takoha žylla idzie nie čarhavikam, a na prodaž, pavialičvajučy prytok nasielnictva ź inšych haradoŭ. «Tamu,

kab vykanać pakazčyki hienieralnaha płana i zadačy, pastaŭlenyja kiraŭnikom dziaržavy pa abmiežavańni kolkaści minčan da 1,9–2 młn čałaviek, u Minsku varta spynić panelnaje budaŭnictva, —

zajaviŭ hałoŭny architektar u intervju «Respublikanskaj budaŭničaj haziecie». — 

Tut nieabchodna pakinuć budaŭnictva damoŭ vyklučna pa indyvidualnych prajektach. My žyviom u stalicy i budavać abaviazany mienavita stalicu, jakaja pavinna vyłučacca, u tym liku i pa architektury».

Pazicyja Alaksandra Piatrova takaja: rost Minska nieabchodna abmiežavać, a bujnapanelnaje domabudavańnie zasiarodzić u haradach-spadarožnikach. Terminy pierachodu ad słoŭ da spravy ŭ intervju nie ŭdakładniajucca.

Na dumku hałoŭnaha architektara, źjaŭleńnie haradoŭ-spadarožnikaŭ dazvolić vyratavać rekreacyjnyja zony Minska, jakija ŭ bližejšy čas mohuć być zabudavanyja (adzin z samych vostrych kanfliktaŭ źviazany z zabudovaj parku 40-hodździa Kastryčnika, žychary Pieršamajskaha rajona aścierahajucca znosu Sievastopalskaha parku).

Dadamo, što pry realizacyi prajekta pieršaha horada-spadarožnika ŭ Smalavičach užo paŭstali surjoznyja prablemy. Jak adznačyŭ niadaŭna ŭ efiry pieradačy «Forum» na kanale «Biełaruś-1» namieśnik staršyni Minharvykankama Siarhiej Radaman,

Minsk nie moža finansavać budaŭnictva ŭ Smalavičach. Pa zakonie dla hetaha pavinny vykarystoŭvacca kredytnyja resursy Minskaj vobłaści, jakich pakul niedastatkova. A tolki dla stvareńnia inžyniernaj infrastruktury i vulic spatrebicca 17 trłn rubloŭ.

Da pytańnia budaŭnictva horada-spadarožnika ŭ Smalavičach možna budzie viarnucca nie raniej za 2013 hod, dadaŭ Siarhiej Radaman.

Varta adznačyć, što ŭ Vilni i Varšavie panelnaje budaŭnictva jak niajakasnaje bolš daŭno nie viadziecca.

onliner.by; SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH