Rasija zmoža praktyčna biez usiakaj ryzyki pahłynuć Biełaruś u vyniku zaniapadu ZŠA. Takoje mierkavańnie vykazvaje na staronkach amierykanskaha časopisa Foreign Policy palitołah Źbihnieŭ Bžezinski.
«Praz dvaccać hadoŭ paśla padzieńnia Savieckaha Sajuza
apošniaja dyktatura Jeŭropypa-raniejšamu palityčna i ekanamična zaležyć ad Rasii, — adznačaje Bžezinski. — Tracina jaje ekspartu idzie ŭ Rasiju, na jakuju jana amal całkam zaviazanaja ŭ enierhietyčnym płanie».
Razam z tym, praciahvaje aŭtar, siamnaccacihadovaja dyktatura Alaksandra Łukašenki pieraškadžaje značnym adnosinam Biełarusi z Zachadam.
«Takim čynam,
zaniapad Amieryki, jaki nazirajecca, daść Rasii mahčymaść znoŭ pahłynuć Biełaruś praktyčna biez usiakaj ryzyki», —robić vysnovu palitołah.
Čamu heta chvaluje Bžezinskaha? Nie tolki praź niepakoj za Biełaruś, ale i tamu što na konie, na jaho dumku — «biaśpieka susiednich bałtyjskich dziaržaŭ, asabliva Łatvii».
Ab stracie Złučanymi Štatami hłabalnaj pieravahi aŭtar piša ŭ artykule, «Vosiem hieapalityčna vymirajučych vidaŭ». U vyniku straty Amierykaj pieravahi słabyja dziaržavy stanuć bolš schilnymi da ŭpłyvu rehijanalnych lidaraŭ, upeŭnieny jon.
Ekśpiert źviartaje ŭvahu na rost Indyi i Kitaja, na impierskija nastroi ŭ Rasii, na niaŭstojlivaść Blizkaha Uschodu. Jon zaklikaje čytača rychtavacca da «hłabalnaj realnaści, jakaja charaktaryzujecca vyžyvańniem najmacniejšych».
Jaho vaśmiorka «hieapalityčna vymirajučych vidaŭ» vyhladaje tak:
1. Hruzija
2. Tajvań
3. Paŭdniovaja Kareja
4. Biełaruś
5. Ukraina
6. Afhanistan
7. Pakistan
8. Izrail i vialiki Blizki Uschod.
* * *
Źbihnieŭ Bžezinski — vydatny amierykanski palitołah i dziaržaŭny dziejač, pamočnik prezidenta Džymi Kartera pa nacyjanalnaj biaśpiecy ŭ 1977–1981 hadach. Mahutny prahnazist. Asabliva dobra razumieje hieapalityku Jeŭropy, ź jakoj sam pachodzić. Byŭ adnym ź niamnohich zachodnich analitykaŭ, chto ŭ 1996 hodzie ćviorda sprahnazavaŭ, što asłabiełaja Rasija nie zdoleje pahłynuć navat Biełaruś u pierśpiektyvie bližejšaha dziesiacihodździa. Mienavita heta nadaje asablivuju tryvožnaść hetamu novamu jaho prahnozu.
