Piensii ŭ 2012 hodzie buduć pavyšacca z ulikam finansavych mahčymaściaŭ Fondu sacyjalnaj abarony nasielnictva, dziaržavy i z ulikam rostu dachodaŭ rabotnikaŭ.Pra heta zajaviła namieśnik ministra pracy i sacyjalnaj abarony Valancina Karalova 4 studzienia na
«U 2012 hodzie zachavajecca sacyjalnaja skiravanaść piensijonnaj palityki», — skazała namieśnik ministra.
Pavodle jaje słoŭ, za minuły hod finansavańnie vypłat piensij i dapamoh było ažyćcioŭlena ŭ poŭnym pamiery va ŭstanoŭlenyja terminy. Byli praviedzieny try pieraraźliki pracoŭnych piensij, jakija hruntavalisia na roście siaredniaj zarabotnaj płaty rabotnikaŭ, — z červienia, žniŭnia i listapada; čatyry razy — ź lutaha, maja, žniŭnia i listapada — pavyšalisia minimalnyja i sacyjalnyja piensii, nadbaŭki i pavyšeńni da piensij u suviazi z rostam biudžetu pražytačnaha minimumu (BPM) u siarednim na dušu nasielnictva.
Jak paviedamiła Karalova, z ulikam ekanamičnaj situacyi pieršačarhovaja ŭvaha ŭ 2011 hodzie była nadadziena padtrymcy atrymalnikaŭ nievysokich piensij. Z červienia byŭ pavyšany pamier dapłaty da minimalnych pracoŭnych piensij z 15 da 20% siaredniaj zarpłaty, sa žniŭnia pavialičany pamiery sacyjalnych piensij adnosna BPM. Dvojčy — u lipieni i vieraśni — piensijanieram, jakija nie pracujuć, akazvałasia adnarazovaja materyjalnaja dapamoha.
Pavodle acenki Minpracy, u 2011 hodzie siaredni pamier piensii pa ŭzroście skłaŭ 770,9 tys. rubloŭ.
