Dziaržaŭnaja pazyka Respubliki Biełaruś na 1 śniežnia 2011 hoda skłaŭ 104,5 trłn rubloŭ i pavialičyłasia ŭ paraŭnańni z pačatkam 2011 hoda na 74 trłn rubloŭ, abo na 242,3%.
Jak paviedamlaje Ministerstva finansaŭ,
rost dziaržaŭnaha doŭhu ŭ biełaruskich rublach u pieršuju čarhu abumoŭleny pieraacenkaj zamiežnaj dziaržpazyki z pryčyny devalvacyi nacyjanalnaj valuty ŭ mai i kastryčniku 2011 hoda.
Suadnosiny dziaržaŭnaj pazyki da VUP na 1 śniežnia 2011 h. skłała 39,4% i, pa źviestkach Minfina, nie pieravysiła hraničnaha značeńnia, ustalavanaha prahramaj
Zamiežnaja dziaržpazyka ŭ paraŭnańni z pačatkam hoda pavialičyłasia na 1,913 młrd dalaraŭ, abo na 20,2%, i skłała 11,4 młrd dalaraŭ (97,9 trłn rubloŭ) pry vyznačanym limicie 13 młrd dalaraŭ.
Pavodle infarmacyi Minfina, rost zamiežnaj dziaržpazyki zabiaśpiečany pryciahnieńniem nieźviazanych kredytnych resursaŭ dla papaŭnieńnia zołatavalutnych reziervaŭ. Heta ablihacyi na mižnarodnym finansavym rynku (800 młn dalaraŭ), kredyt Antykryzisnaha fondu JeŭrAzES (800 młn dalaraŭ). Taksama rost doŭhu abumoŭleny finansavańniem za košt zamiežnych dziaržaŭnych pazyk (Kitaj, MBRR) inviestycyjnych prajektaŭ u śfiery enierhietyki, pramysłovaści budaŭničych materyjałaŭ, sacyjalnaj śfiery.
Unutranaja dziaržaŭnaja pazyka vyrasła z pačatku hoda na 4,5 trłn rubloŭ (temp rostu 217,5%) i skłała 6,6 trłn rubloŭ pry vyznačanym limicie 14 trłn rubloŭ.
Rost unutranaj dziaržpazyki źviazany z vypuskam dziaržaŭnych ablihacyj u metach realizacyi ŭkaza kiraŭnika dziaržavy ad 22 lutaha 2011 hoda № 65 «Ab niekatorych pytańniach finansavańnia budaŭnictva abjektaŭ inžyniernaj i transpartnaj infrastruktury dla rajonaŭ žyłoj zabudovy i abjektaŭ infrastruktury atamnaj elektrastancyi ŭ Respublicy Biełaruś». Rost pazyki taksama abumoŭleny raźmiaščeńniem dziaržaŭnych ablihacyj, naminavanych u zamiežnaj valucie, z metaj papaŭnieńnia zołatavalutnych reziervaŭ Biełarusi.
