Adzin z vybitnych rok-muzykaŭ sučasnaści, zasnavalnik napramku hłem-rok brytaniec Devid Boŭi adznačaje 8 studzienia 65-hodździe.
Boŭi ŭ SSSR. Fota z knihi Dejva Tompsana «David Bowie. Moonage Daydream».
Narodžany ŭ adnym z samych biednych rajonaŭ Łondana — Brykstanie — jon zdoleŭ uźniacca z samych nizoŭ brytanskaha hramadstva da viaršyniaŭ suśvietnaha muzyčnaha Alimpu.
Karjera Boŭi — muzyki ź nievierahodnym čućciom na ŭsie novaje, faktyčna ŭjaŭlaje saboj encykłapiedyju raźvićcia rok i pop-muzyki ź siaredziny 60-ch hadoŭ da siońniašniaha dnia. Jaho ŭniosak u sučasnaje mastactva možna nazvać «vielizarnym i ŭunikalnym».
Za svaju karjeru muzyka stvaryŭ 23 albomy, pamiery prodažaŭ jakich dasiahajuć 140 młn asobnikaŭ. Apošni ź ich — Reality — Boŭi vypuściŭ u vieraśni 2003 hoda. Jaho dziesiać albomaŭ stali ŭ Vialikabrytanii płacinavymi, a šeść — uvajšli ŭ śpis «500 najvialikšych albomaŭ usich časoŭ i narodaŭ» upłyvovaha časopisa Rolling Stone. Sam ža muzyka zaniaŭ 39-aje miesca ŭ rejtynhu 100 najvialikšych suśvietnych vykanaŭcaŭ i 23-je — siarod lepšych śpievakoŭ taho ž vydańnia.
Paśla pieraniesienaj u lutym 2004 hoda apieracyi na sercy Boŭi značna skaraciŭ lik vystupaŭ i zaraz redka źjaŭlajecca na scenie, u asnoŭnym u jakaści zaprošanaha metra. Bližejšaje asiarodździe Boŭi paviedamlaje, što jon sustrenie siońnia jubilej u kole siamji ŭ svajoj kvatery ŭ Ńju-Jorku.
Epizadyčnaja rola Boŭi ŭ fid́mie Devida Linča «Tvin Piks: Skroź ahoń».
