Sezonny spad koštaŭ na miasa va ŭschodnich susiedziaŭ, adnačasovy rost zakupačnych cenaŭ u Biełarusi i kankurencyja ŭkrainskich vytvorcaŭ robiać niavyhadnym ekspart biełaruskaha miasa ŭ Rasieju
Pavodle infarmacyi agrobel.byu Rasiei nazirajecca źnižeńnie koštaŭ na miasa, što častkova tłumačycca sezonnym zimovym zabojem bydła. U Biełarusi ž, naadvarot, adbyłasia padvyšeńnie zakupačnych koštaŭ – na 10 pracentaŭ na bujnuju rahatuju žyviołu, i na 5 pracentaŭ na śviniej. Da ŭsiaho, inspekcyja rasiejskich veterynarnych słužbaŭ na ŭkrainskich miasakambinatach dała dazvoł na pastaŭki tamtejšaj pradukcyi na rasiejski rynak. Usio razam pryviało da taho, što ekspart jałavičyny ŭ Rasiei nie prynosić prybytku, a śvininy – ŭvohule stratny.
U chutkim časie pravierka rasiejskich ekspertaŭ čakajecca i na biełaruskich miasakambinatach, ale terminy jaje pakul nia vyznačanyja. Pastaŭki biełaruskaha miasa ŭ Rasieju ciapier adbyvajucca biez abmiežavańniaŭ.
Pavodle infarmacyi Ministerstva sielskaj haspadarki i charčavańnia Biełarusi biełaruskija pradpryjemstvy ŭ minułym hodzie ŭ cełym pavialičyli abjom pastavak miasnoj pradukcyi ŭ Rasieju: 31,7 tys. t jałavičyny (na 72 % bolš, čym u 2005 h.), 47 tys. t śvininy (na 33% bolš), 8,5 tys. t miasa ptuški (na adzin pracent bolš), 1,2 tys. t kiłbasaŭ (u 2,5 razy bolš) i 9,7 młn. umoŭnych blašanak miasnych kanservaŭ (na 31 pracent bolš).
