Ab hetym zajaviŭ siońnia žurnalistam ministr justycyi Aleh Śližeŭski, jaki prymaje ŭdzieł u vynikovaj kalehii Ministerstva justycyi.
Aleh Śližeŭski paviedamiŭ, što ŭ padadzienych dla rehistracyi dakumientach BCHD byŭ vyjaŭleny šerah parušeńniaŭ. U pryvatnaści, parušeńni byli vyjaŭlenyja va ŭstanoŭčych dakumientach, śpisach zasnavalnikaŭ partyi. U cełym jany byli aformlenyja nienaležnym čynam. «Takim čynam, takija dakumienty nie mahli być pryznanyja jurydyčna majučymi značeńnie», — adznačyŭ ministr.
«Z pryčyny hetaha ŭ adpaviednaści z zakanadaŭstvam Ministerstva justycyi vymušana było pryniać rašeńnie ab admovie ŭ rehistracyi BCHD», adznačyŭ Aleh Śližeŭski, paviedamlaje BiełTA.
Heta była čaćviortaja sproba rehistracyi partyi. Pieršaja była zroblena ŭ 2009 h., jašče dźvie — u
Apošni ŭstanoŭčy źjezd partyi prajšoŭ 17 śniežnia 2011 hoda ŭ Minsku. Sustaršyniami abrany Hieorhij Dźmitruk, Vital Rymašeŭski i Pavieł Sieviaryniec. Dakumienty na rehistracyju partyi byli padadzienyja 20 śniežnia.