Hienieralnaja prakuratura Biełarusi rychtuje infarmacyju na imia premjer-ministra Michaiła Miaśnikoviča z prapanovami ŭ śfiery prafiłaktyki złačynnaści i baraćby z pjanstvam.
Jak paviedamili ŭ Hienprakuratury, u liku inšych mier
budzie prapanavana ŭvieści zabaronu na vypusk pładova-jahadnych macavanych vin nizkaj jakaści, prodaž ałkaholnych napojaŭ asobam, jakim mienš za 21 hod, rekłamu ałkaholnych napojaŭ, u tym liku piva.Prapanujecca taksama značna abmiežavać kolkaść miescaŭ realizacyi mocnych śpirtnych napojaŭ (kala navučalnych ustanoŭ, pramysłovych pradpryjemstvaŭ), ukaranić praceduru abaviazkovaha testavańnia navučencaŭ starejšych kłasaŭ siarednich škoł i siarednich śpiecyjalnych navučalnych ustanoŭ, studentaŭ na pradmiet užyvańnia narkatyčnych srodkaŭ i ałkaholnych napojaŭ, uzmacnić antyałkaholnuju sacyjalnuju prapahandu.
U Hienprakuratury kanstatujuć, što adnymi z samych sacyjalna značnych prablem zastajucca pjanstva i ałkahalizm.
U miedycynskich ustanovach na ŭliku ź sindromam zaležnaści ad ałkaholu (chraničny ałkahalizm) stajać bolš za 180 tysiač čałaviek.Adnak abjom spažyvańnia ałkaholnych napojaŭ niaŭchilna raście, što viadzie nie tolki da ałkahalizacyi nasielnictva, pavieličeńnia kolkaści psichičnych zachvorvańniaŭ, źviazanych z užyvańniem śpirtnych napojaŭ, ale i da niezvarotnych sacyjalna-demahrafičnych nastupstvaŭ.
0
0
0
0
0
0