Z nastupnaha navučalnaha hodu moža być admienienaje vyvučeńnie biełaruskaj movy na niefilalahičnych fakultetach VNU. Takuju infarmacyju atrymała «NN». Abaviazkovaje vyvučeńnie rodnaj movy ŭ humanitarnym kursie VNU — apošni zdabytak biełarusizacyi 90-ch, jaki zachavaŭsia da našych dzion. Pa kamentar my źviarnulisia ŭ Ministerstva adukacyi.
Z nastupnaha navučalnaha hodu moža być admienienaje vyvučeńnie biełaruskaj movy na niefilalahičnych fakultetach VNU. Takuju infarmacyju atrymała «NN». Abaviazkovaje vyvučeńnie rodnaj movy ŭ humanitarnym kursie VNU — apošni zdabytak biełarusizacyi 90-ch, jaki zachavaŭsia da našych dzion. Pa kamentar my źviarnulisia ŭ Ministerstva adukacyi.
Ministerskija čynoŭniki z upravy vyšejšaj i siaredniaj specyjalnaj adukacyi prostaha adkazu na pytańnie nie dajuć. Načalnica adździełu vyšejšaj adukacyi Halina Chaciešava kaža, što «adbyvajecca pierahlad kursu humanitarnych i hramadzkich navuk» u VNU: «Zhodna z zadańniem prezydenta, hety kurs budzie skaročany, ale na kolki hadzin, na jakija pradmiety — pakul nieviadoma. Jašče tolki raspracoŭvajucca prajekty».
Nia ŭniesła jasnaści j kiraŭnica sektaru vykładańnia hramadaznaŭčych dyscyplinaŭ Nadzieja Hanuščanka: «Pakul što my karystajemsia narmatyvami, zaćvierdžanymi ŭ 1999 h. Nakont prajektaŭ ničoha skazać nie mahu, bo prajekty mohuć mianiacca. Darečy, toj prajekt, pra jaki zhadvali vy, taksama niadaŭna byŭ źmienieny».
Značyć, rašeńnie ab vydaleńni movy z universyteckaha kursu jašče nie pryniataje. Ale kali taki dakument i prymuć, my daviedajemsia pra jaho tolki postfaktum. Ni pra jakoje publičnaje abmierkavańnie niama havorki, kali jość «zadańnie» samaha šmatprofilnaha specyjalista krainy.
Ciapier čytajuć
Adciskańni z tatam, uroki z mamaj. Jak žyvie i vučycca siamja Sieviaryncaŭ u Vilni4
Kamientary