Kali ŭ avaryi nie paciarpieli ludzi, a škoda naniesiena tolki aŭtamabilam i nie pieravyšaje 200 jeŭra, zakon dazvalaje kiroŭcam abyścisia biez vyklikańnia na miesca DTZ inśpiektaraŭ DAI, paviedamili ŭ HUUS Minharvykankama.
U takim vypadku kiroŭcy pavinny ŭklučyć avaryjnuju sihnalizacyju i vystavić znak avaryjnaha spynieńnia. Paśla hetaha, kali nichto ź ludziej nie paciarpieŭ, jany pavinny vyśvietlić pa čyjoj vinie adbyłosia DTZ i vizualna acanić paškodžvańni aŭtamašyn kožnaha. Zatym kiroŭcam naležyć pravieryć najaŭnaść adzin u adnaho nieabchodnych dakumientaŭ (paśviedčańnia adpaviednaj katehoryi, strachoŭki na transpartny srodak), a taksama pierakanacca, što nichto ź ich nie maje pretenzij da druhoha pa častcy ałkaholnaha abo narkatyčnaha apjanieńnia. Akramia taho, udzielniki DTZ pavinny zapoŭnić adno na dvaich paviedamleńnie ab DTZ, jakoje vydavałasia strachavym ahientam pry zaklučeńni damovaŭ abaviazkovaha strachavańnia hramadzianskaj adkaznaści ŭładalnikaŭ transpartnych srodkaŭ. I paśla hetaha, ciaham piaci rabočych dzion paciarpieły moža źviarnucca ŭ strachavaju kampaniju vinoŭnika, majučy pry sabie pravilna zapoŭnienaje paviedamleńnie.
U HUUS asobna adznačyli, što ciaham usiaho času razboru kiroŭcy pavinny jak maha mienš znachodzicca na prajeznaj častcy. Taksama dla ŭłasnaj biaśpieki kiroŭcam parekamdavana adziavać śviatłoadbivalnuju kamizelku niezaležna ad času sutak i ŭmovaŭ nadvorja.
