Siońnia jana raskazvaje pra toje, jak žyviecca dysidentam u Biełarusi i što pryjemnaha možna znajści ŭ takim harotnym stanoviščy.
— Jak vyžyvajecie? Viedaju, što vy brali kredyty, u vas była mara zajmacca ahraekaturyzmam, dabudavać siadzibu, dzie mahli b spyniacca turysty…
— Dziakuj Bohu, samy vialiki kredyt ja ŭžo vypłaciła. Toj, što zastaŭsia, — drobiaź. U miesiac viartaju banku pa 100 tysiač rubloŭ. Ilhotny kredyt na ahraekaturyzm na 60 miljonaŭ, jaki spačatku ŭ śniežni 2010 hoda mnie zaćvierdzili, u
samaje hałoŭnaje, što mnie dapamahło, — heta čałaviečaja salidarnaść, padtrymka i maralnaja, i materyjalnaja, jakuju ja adčuła.
Maštab salidarnaści staŭ dla mianie poŭnaj niečakanaściu. Ja pryvykła, što biełarusy žyvuć kožny sam pa sabie. A tut takaja zhurtavanaść!
Ja padličyła, što tolki hrašovych pieravodaŭ atrymała 169! Usie kvitočki, paštoŭki, listy zachoŭvaju jak relikviju, dla budučaha muzieja najnoŭšaj historyi Biełarusi.A kolki było telefonnych zvankoŭ, listoŭ sa słovami padtrymki! Išli adusiul, z samych roznych kutočkaŭ Biełarusi. Śviatłana Aleksijevič napiaredadni Novaha hoda dasłała ceły miljon rubloŭ. Niekatoryja da hetaha času šluć, kožny miesiać, vidać, z zarobku ci ź piensii. I tolki heta dapamahaje mnie vyžyć! Ja nie złamałasia ni fizična, ni maralna. Ja adčuvała: toje, što ja adstojvaju svaju hodnaść, maje značeńnie i dla inšych. A tamu chaču padziakavać usim, chto dapamoh mnie maralna i materyjalna, kab ja zmahła prajści hetaje vyprabavańnie. Dumaju, što siarod takich ludziej niamała čytačoŭ «Narodnaj Voli» i «Našaj Nivy».
Dapamahali mnie i hramadskija arhanizacyi, inicyjatyvy — «Viasna», «Naš dom», «Salidarnaść», Partyja BNF — paradaj, pravavoj padtrymkaj, advakackaj kansultacyjaj.Dla mianie vielmi važna, što hramadskaja arhanizacyja «Tavarystva biełaruskaj škoły» dapamahaje mnie nie hublacca prafiesijna.
Zaprasili redahavać nastaŭnicki mietadyčny sajt «Aktyŭnaja acenka». Heta takaja inavacyjnaja papularnaja ŭ śviecie navučalnaja mietodyka, jakaja tolki da nas pryjšła.
Praciahvaju pracavać nad druhim vydańniem svajoj krajaznaŭčaj knižki «Talka ŭ navakolli», spadziajusia ŭ chutkim časie pieravydać.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)