U noč na 2 lutaha na forumie anłajniera źjavilisia fatazdymki dziŭnaj atmaśfiernaj źjavy, jakaja nahadvaje redkaje dla našych šyrotaŭ paŭnočnaje źziańnie.
Aŭtar śćviardžaje, što zrabiŭ fatazdymki z rajonie Tarasava — Ždanovičaŭ, kirunak — poŭnač.
Jak paviedamiŭ supracoŭnik absiervatoryi Biełaruskaha dziaržaŭnaha univiersiteta Viktar Małyščyc, bolš vierahodna, što heta — t. zv. śvietłavyja słupy. Pavodle jaho słovaŭ,
pry nizkich tempieraturach u maroznym pavietry ŭtvarajucca mikraskapičnyja kryštaliki lodu peŭnaj formy. Jany nie prosta raśsiejvajuć śviatło, a zdolnyja adbivać jaho, utvarajučy peŭnyja fihury.«Padobnaja źjava, naprykład, — viasiołkavyja kołcy vakoł Miesiaca. U hetym vypadku, dumaju, my bačym pierałomlenaje praz kryštaliki lodu śviatło ad lichtaroŭ — błakitnavataje ad rtutnych, žaŭtlavaje — ad zvyčajnych», — kaža V.Małaščyc. Astranom adznačaje, što paŭnočnaje źziańnie nad Biełaruśsiu bačyć možna, ale vyhladać jano budzie blakła, bo zaradžanyja čaścinki, jakija jaho ŭtvarajuć, nadzvyčaj daloka ŭ atmaśfiery. Dyj błakitnyja adcieńni, jaskrava bačnyja na fota, uvohule nie charakternyja dla paŭnočnaha źziańnia.
0
0
0
0
0
0
