Niepatušanaja cyhareta zabrała žyćci dvuch piensijanieraŭ u Ždanovičach. Fota 112.by.
Za minułyja sutki ŭ Biełarusi adbyłosia 76 pažaraŭ. U ahni zahinuli 15 čałaviek. Nievykanańnie praviłaŭ pažarnaj biaśpieki — pryčyna praktyčna ŭsich nadzvyčajnych situacyj.
Jak paviedamlaje MNS, nieaściarožnaje abychodžańnie z ahniom pry kureńni zastajecca asnoŭnaj pryčynaj hibieli ludziej u ahni. Achviarami pažaraŭ z-za niepatušanaj cyharety stali 10 čałaviek. Heta mierkavanaja pryčyna hibieli žančyny ŭ Bychaŭskim rajonie Mahiloŭskaj vobłaści, siamiejnaj pary — piensijanieraŭ u pasiołku Ždanovičy Minskaha rajona, sastarełaj siamiejnaj pary ŭ vioscy Słabada Dobrušskaha rajona Homielskaj vobłaści. Troje mužčyn pracazdolnaha ŭzrostu stali achviarami pažaru z-za nieaściarožnaści pry kureńni ŭ Mścisłaŭli (Mahiloŭskaja vobłaść), vioscy Niaznanava Navahrudskaha rajona Hrodzienskaj vobłaści, vioscy Aharodčyki Vałožynskaha rajona Minskaj vobłaści. A ŭ vyniku pažaru ŭ žyłym domie ŭ vioscy Klacišyna Puchavickaha rajona Minskaj vobłaści, jaki pačaŭsia z-za niepatušanaj cyharety, zahinuli dvoje — haspadar i jaho znajomy.
Jašče adnoj pryčynaj pažaraŭ stanovicca parušeńnie praviłaŭ ekspłuatacyi piačnoha aciapleńnia. Niezaroblenyja svoječasova treščyny ŭ dymachodach kaštavali žyćcia trom piensijanierakam. Jašče adna žančyna sastarełaha ŭzrostu ź vioski Žurbin Kaściukovickaha rajona Mahiloŭskaj vobłaści vyratavana dziakujučy aŭtanomnamu pažarnamu paviedamlalniku.
Pavodle źviestak MNS, dvojčy za minułyja sutki ratavalniki vyjazdžali na tušeńnie paražaŭ na abjektach APK.
