Jak śpiavaje Doktar Chaŭs 1

Znakamity «Doktar Chaŭs» pryjedzie ŭ Minsk z džazavym kancertam 22 červienia. Kancert adbudziecca ŭ Pałacy Respubliki.

Chju Łory sa svaimi džazavymi ekzersisami ŭpisvajecca ŭ vielmi pašyranuju na Zachadzie płyń — jahony hurt vykonvaje kaviery kłasičnych piesień 30-ch i 40-ch hadoŭ.

Kali pahladzieć na treklist alboma Let Them Talk, to ŭsie kampazicyi kampaktna ŭkładajucca ŭ takoje lubimaje ŭ nas vyznačeńnie «toje, što ŭsie viedajuć». Z toj roźnicaj, što hetyja pieśni viedajuć nie zusim usie, a tyja, chto choć troški aryjentujecca ŭ džazavych, bluzavych i kantry-standartach.

Ale padychod Łory da vykanańnia standartaŭ zasłuhoŭvaje ŭvahi — ŭsio ž taki jon nie hučyć, jak restaranny arkiestr.

Naprykład pieśnia St. James Infirmary, čyje karani hublajucca ažno ŭ XVIII stahodździ, choć i maje zvykłaje hučańnie bluza 30-ch, upryhožanaja raznastajnymi muzyčnymi chadami, jakija robiać jaje cikavaj navat dla tych, chto čuŭ jašče ź piaćdziesiat jaje viersij.

Padčas prasłuchoŭvańnia alboma ŭzhadvajucca

i rok-n-roły Džery Li Ljuisa (Swanee River), i krunierskija śpievy ŭ styli Binha Krośbi (iznoŭ ža Swanee River), i navat pratestnyja narodnyja pieśni (Police Dog Blues) Vudzi Hatry,

a taksama kłasičny nova-arleanski karnavalny džaz Prafiesara Łanhchejra (Tipitina).

Karaciej,

takoj muzyki ŭ Minsk nie pryvozili daŭno,

škada tolki, što zornych haściej sa svajho debiutnaha alboma (a heta Tom Džons, Irma Tomas i Doktar Džon) Łory nie daviazie. I, darečy, hołas Łory pasuje da hetaj muzyki — usio ž taki źniešnie hety akcior zaŭždy vyhladaŭ jak muzykant z Poŭdnia ZŠA, navat niahledziačy na jaho oksfardskaje pachodžańnie.

A dziakujučy "Doktaru Chaŭsu" Let Them Talk staŭ samym pradavanym bluzavym albomam u Brytanii (192 000 kopij). Tamu kali vy lubicie lohki, viasioły, mejnstrymavy džaz -- na kancert iści varta. Zaadno i na doktara Chaŭsa žyvoha pahladzieć.

Juraś Uskoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH