U 2010 albom «Ludzi na bałocie» staŭ sapraŭdnaj padziejaj u pakul niebahatym śviecie biełaruskamoŭnahaCiapierašni albom taksama pryciahnuŭ uvahu krytykaŭ.chip-chopu .
Niekatoryja ź ich abvinavačvajuć Pananieba u «zališniaj palityzavanaści» novaha materyjała.«Naša Niva» źviazałasia z adnym z vakalistaŭ hurta, viadomym pad psieŭdanimam Sviedak, kab daznacca, čaho čakać ad minskaj prezientacyi.
«Pieršapačatkova my płanavali vypuścić nie albom, a JER ź niekalkich pieśniaŭ, — kaža Sviedak. — Adnak u vyniku trekaŭ naźbirałasia šmat, i my ź Vitalom Supranovičam vyrašyli vypuskać ceły albom. Adnak „numarnym“ jaho ličyć nie varta.
Što tyčycca palityzavanaści, to ja nie liču, što my ruchajemsia ŭ hetym nakirunku. My pišam pieśni pra toje, što nas kranaje.Uvohule nie varta zamaročvacca na palityčnych tekstach, muzyka ŭsio adno vyšejšaja za palityku».
Što tyčycca prezientacyi, to siurpryzaŭ na joj daviadziecca čakać nie tolki publicy, ale i samim muzykam. Reč u tym, što abodva vakalisty — Sviedak i SP Kava — stvaryli niekalki solnych trekaŭ, jakija pakul adzin adnamu nie pakazvali. Viadoma, što ŭ vykanańni trekaŭ paŭdzielničajuć vielmi roznyja tvorcy — ad Zeman'a (byłoha ŭdzielnika «Čyrvonym pa biełamu») da paeta Vitala Ryžkova i repiera Vožyka. Aproč taho, na kancercie prahučać pieśni z abdovuch albomaŭ hurtu, a taksama zusim novyja treki, jakija ŭvojduć u nastupny reliz Pananieba, što taksama źjavicca nieŭzabavie.
Pačatak kancerta: 19.00.Cana kvitkoŭ: 30 000 — 35 000 papiarednie, 40 000 — u dzień kancerta, tancpoł, 55 000 — miesca za stolikam +
