Kolkaść nasielnictva Biełarusi na 1 lutaha skłała 9 młn. 463 tys. čałaviek 2

Ab hetym paviedamiła pres-sakratar Nacyjanalnaha statystyčnaha kamiteta Alena Kandracienka.

U paraŭnańni z 1 studzienia 2012 hoda žycharoŭ krainy stała mienš na 2,2 tys. čałaviek.

Kolkaść žycharoŭ za miesiac pavialičyłasia tolki ŭ Minsku — z 1 młn. 885,1 tys. čałaviek na 1 studzienia 2012 hoda da 1 młn. 885,8 tys. na 1 lutaha biahučaha hoda. U astatnich rehijonach respubliki kolkaść žycharoŭ za studzień źmienšyłasia. U vyniku na 1 lutaha biahučaha hoda ŭ Homielskaj vobłaści naličvałasia 1 młn. 429,2 tys. čałaviek, u Minskaj — 1 młn. 402,9 tys., u Bresckaj — 1 młn. 391,1 tys., u Viciebskaj — 1 młn. 213,4 tys., u Mahiloŭskaj — 1 młn. 79,6 tys., u Hrodzienskaj — 1 młn. 61 tys. čałaviek.

U Biełarusi zachoŭvajecca dadatny mihracyjny pryrost — jon skłaŭ za studzień biahučaha hoda 476 čałaviek (u studzieni ŭ Biełaruś prybyła 1 tys. 311 čałaviek, vybyła 835).

Pavodle apieratyŭnych danych, u Biełarusi ŭ studzieni biahučaha hoda naradziłasia 8 tys. 739 dziaciej — na 353 małyšy bolš u paraŭnańni sa studzieniem 2011 hoda. Ahulny kaeficyjent naradžalnaści za studzień u cełym pa respublicy skłaŭ 10,9 na 1000 žycharoŭ (u studzieni 2011-ha — 10,1 pramile). Siarod rehijonaŭ krainy samy vysoki hety pakazčyk byŭ u Minskaj (11,8) i Bresckaj (11,5) abłaściach, a samy nizki — u Viciebskaj vobłaści (9,6).

U Biełarusi za studzień pamierli 11 tys. 365 čałaviek — na 409 mienš u paraŭnańni sa studzieniem 2011-ha. Ahulny kaeficyjent śmiarotnaści ŭ studzieni składaŭ 14,1 na 1000 nasielnictva (u studzieni minułaha hoda jon byŭ 14,6 pramile). Siarod rehijonaŭ krainy samy vysoki hety pakazčyk zafiksavany ŭ Viciebskaj (16,9) i Minskaj (15,9) abłaściach, samy nizki — u Minsku (9,7 pramile).

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH