Haradzkaja rada Ńju‑Jorku pajšła na taki krok, kab raspravicca z praźmiernym vykarystańniem słova ŭ chip‑chopie i kino.
Adnak rašeńnie, jakoje ŭ Radzie było pryniataje adzinahałosna, maje symbaličny charaktar, bo zhodna ź pieršaj papraŭkaj da kanstytucyi ZŠA uviadzieńnie zakonaŭ, što abmiažoŭvajuć svabodu słova, zabaronienaje. Rada Ńju‑Jorku tłumačyć, što pastanova nia ŭvodzić sankcyjaŭ, jaje meta – pakazać rasisckaje pachodžańnie słova. Vyraz «nihier» na praciahu peŭnaha času evalucyjanavaŭ, u słenhu jaho vykarystoŭvajuć ciapier u značeńni «siabruk», «koreš».
Adzin z radnych, jaki i prapanavaŭ hetuju pastanovu, zaklikaŭ akademiju amerykanskich muzyčnych uznaharodaŭ «Grammy», jakija nazyvajuć muzyčnymi Oskarami, kab taja nie naminavała muzykaŭ, jakija ŭžyvajuć u svaich tvorach słova «nihier». Padčas razdačy ŭznaharodaŭ u lutym repery Ludacris i Chamillionaire byli adznačanyja jakraz za pieśni, dzie vykarystoŭvałasia słova «nihier».
