Pasły Jeŭrasajuza źjazdžajuć ź Biełarusi 32

Pasły Litvy i Vienhryi -- Edminas Bahdonas i Fierenc Kontra -- paśla narady ŭ pasolstvie Francyi, photo.bymedia.by

Pasoł Polščy Lešek Šarepka ŭžo vyjechaŭ ź Biełarusi, paviedamiŭ pres-sakratar polskaj dypmisii Pavieł Marčuk. Kiraŭnik pradstaŭnictva ES u Biełarusi Majra Mora pakul zastajecca ŭ Minsku, jana, jak adznačyli ŭ pradstaŭnictvie, pakinie Biełaruś da kanca dnia.

Nahadajem, mienavita hetych dvuch dypłamataŭ biełaruskija ŭłady 28 lutaha rekamiendavali «vyjechać u svaje stalicy dla kansultacyj, kab davieści svajmu kiraŭnictvu ćviorduju pazicyju biełaruskaha boku ab nieprymalnaści cisku i sankcyj».

Takaja miera była pryniataja ŭ adkaz na rašeńnie Rady ES ad 27 lutaha pašyryć śpis nieŭjazdnych biełaruskich čynoŭnikaŭ, uklučyŭšy ŭ jaho jašče 21 proźvišča.

Krainy Jeŭrasajuza adreahavali na dziejańni biełaruskich uładaŭ adklikańniem pasłoŭ ź Minska. Takoje rašeńnie było pryniata ŭčora pozna ŭviečary na ekstranaj naradzie kamiteta pa palityčnych pytańniach ŭ Bruseli.

Pasły ŭsich krain ES u Minsku płanujuć da kanca siońniašniaha dnia vyjechać ź Biełarusi. Pierad adjezdam jany sabralisia na kansultacyi ŭ pasolstvie Francyi.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH