Paviedamiŭ siońnia žurnalistam staršynia Minskaha haradskoha vykanaŭčaha kamiteta Mikałaj Ładućka, naviedvajučy KUP «Minski mietrapaliten».
«Letam biełaruskija studenty vielmi aktyŭnyja, mnohija ź ich pracujuć, ustupajuć u studenckija atrady, za što, biezumoŭna ž, buduć atrymlivać zarobak. I heta łahična, kali ŭ letni pieryjad student budzie samastojna apłačvać svaje pieramiaščeńni pa horadzie. Školniki letam čaściej za ŭsio znachodziacca doma abo na azdaraŭleńni za horadam», — adznačyŭ Mikałaj Ładućka.
Što datyčycca taryfaŭ na prajezd u minskim mietro, načalnik stalicy adznačyŭ, što pytańnie ich pavyšeńnia pastajanna razhladajecca. «Siońnia taryfy na prajezd u mietro nie mianiajucca, adnak patreba ŭ ich pavieličeńni isnuje. Sabiekošt prajezdu adnaho pasažyra ciapier davoli vysoki — kala 4 000 biez uliku prybytku mietrapalitena, a nieabchodna ž układvać u raźvićcio mietrapalitena, asnaščeńnie nieabchodnymi srodkami biaśpieki i inšaje. Tamu 1 300 — vielmi kamfortny košt prajezdu dla žycharoŭ i haściej stalicy», — padkreśliŭ jon.
