Tradycyjnaje spartyŭnaje śviata «Minskaja łyžnia — 2012» projdzie 4 sakavika ŭ Respublikanskim centry alimpijskaj padrychtoŭki pa zimovych vidach sportu «Raŭbičy»,
paviedamili ŭ
Asnoŭnaja spabornickaja prahrama budzie składacca z estafietnaj łyžnaj honki 4×2,5 km. Na dystancyju vyjduć kamandy orhanaŭ dziaržkiravańnia. Płanujecca, što pa tradycyi ŭ estafietnaj honcy prymie ŭdzieł i kamanda Łukašenki. Pieramožcam i pryzioram buduć uručany miedali, dypłomy, hramaty i śpiecyjalnyja pryzy.
A pieršymi, u 10.30, na start indyvidualnaj honki na 1 km vyjduć udzielnicy respublikanskaha fiestyvalu «Mis fitnies Biełarusi» 2010 i 2011 hadoŭ.
U 11.45 pačniecca estafietnaja honka 4×2,5 km siarod kamand abłvykankamaŭ, Minskaha harvykankama (hrupa, A). U 12.15 — start estafietnaj honki 4×2,5 km siarod kamand respublikanskich orhanaŭ dziaržaŭnaha kiravańnia (hrupa V). Na 13.20 pryznačany start estafietnaj honki 4×2,5 km z udziełam kamand respublikanskich dziaržaŭnych orhanaŭ, uznačalenych vyšejšymi słužbovymi asobami (hrupa S).
Zavieršycca «Minskaja łyžnia» estafietnaj honkaj 4×2, 5 km siarod kamand respublikanskich orhanaŭ dziaržaŭnaha kiravańnia, arhanizacyj, padparadkavanych Savietu Ministraŭ, hałaŭnych bankaŭskich arhanizacyj (hrupa D). Jana pačniecca ŭ 14.25.
Dla hledačoŭ budzie arhanizavana šyrokaja
***
Upieršyniu «Minskaja łyžnia» prajšła 16 lutaha 1986 h., kali byŭ arhanizavany łyžny prabieh na 15 km pa maršrucie Baravaja — Raŭbičy ŭzdoŭž aŭtamabilnaj trasy Minsk — Viciebsk. U im pryniali ŭdzieł 12 tys. amataraŭ hetaha vidu sportu. Z 2003 hoda pa inicyjatyvie Ministerstva sportu i turyzmu spabornictvy transfarmavalisia ŭ paŭsiudna pravodzicca respublikanski spartyŭnaje śviata «Biełaruskaja łyžnia».
