U Narviehii Andersu Bierynhu Brejviku siońnia aficyjna vystaŭlenyja abvinavačańni ŭ teraryźmie i naŭmysnym zabojstvie 77 čałaviek.
Pavodle źviestak śledstva, Brejvik uziaŭ na siabie adkaznaść za vybuch bomby va ŭradavym kvartale Osła, achviarami jakoha stali 8 čałaviek, i ŭ zabojstvie jašče 69 čałaviek na vostravie Utoja, dzie raźmiaščaŭsia letni moładzievy łahier kirujučaj Narviežskaj rabočaj partyi. Tym nie mienš, vinavatym Brejvik siabie nie pryznaŭ, pakolki ličyć, što zabojstva ludziej 22 lipienia było nieabchodna dla abarony Jeŭropy ad musulmanskaj pahrozy.
Sud nad Brejvikam pačniecca 16 krasavika -– niezaležna ad taho, ci budzie jon pryznany razumova niazdatnym.Pakul dumki psichijatraŭ razychodziacca: pryznačanaja sudom kalehija pryznała jaho varjatam, tady jak praviedzienaja paźniej niezaležnaja ekśpiertyza nie znajšła ŭ jaho prykmietaŭ psichozu abo šyzafrenii.
0
0
0
0
0
0
