Pamiežny pierachod «Hryharaŭščyna» zakryjuć dla hruzavikoŭ
Bližejšyja paŭhodu fury buduć adpraŭlać praz susiedni punkt «Urbany» ci praz rasijska-łatvijskuju miažu.
Dziaržaŭny mytny kamitet Biełarusi infarmuje, što ŭ suviazi z vykanańniem budaŭniča-mantažnych rabot z 15 sakavika pa 15 kastryčnika 2012 hoda płanujecca spynić ruch hruzavych transpartnych srodkaŭ praz aŭtadarožny punkt propusku «Hryharaŭščyna» (biełaruska-łatvijski ŭčastak miažy).
Jak paviedamlaje pres-słužba DMK, u zhadany pieryjad času
punkt propusku budzie pryznačany tolki dla ruchu aŭtobusaŭ i lehkavych transpartnych srodkaŭ ahulnaj masaj da 3,5 tony, jakija pieravoziać tavary dla asabistaha karystańnia.
Dla pierasiačeńnia biełaruska-łatvijskaj miažy DMK rekamienduje asobam, jakija ažyćciaŭlajuć mižnarodnyja pieravozki hruzaŭ, vykarystoŭvać aŭtadarožny punkt propusku «Urbany — Silenie», rasijski punkt propusku «Burački — Cierachava», u tym liku pry nakiravańni ŭ krainy Jeŭrasajuza inšyja punkty propusku, raźmieščanyja na biełaruskim učastku źniešniaj miažy Mytnaha sajuza.
