Siarhiej Hirkin i Anton Ŭścimčuk źbiralisia raspaŭsiudžvać na piešachodnaj mahiloŭskaj vulicy Leninskaj hazetu «Svaboda». Ich zatrymali la ofisu odnoj z hramadzkich arhanizacyjaŭ horadu z pakunkam vydańnia.
Siarhiej Hirkin dy Anton Ŭścimčuk prabyli ŭ milicejskim pastarunku bolš za hadzinu. Milicyjanty praviali z zatrymanymi prafilaktyčnuju hutarku dy skłali tłumačeńnie na fakt zatrymańnia. Aktyvisty admovilisia jaho padpisvać.
Hramadzkija pradstaŭniki zatrymanych Barys Buchel dy Hanna Iljina paviedamili «Svabodzie», što chłopcaŭ zatrymali zpakunkam hazety «Svaboda» na piešachodnaj vulicy Leninskaj. Kiravaŭ zatrymańniem kapitan Jury Kiryłovič. Jon ža potym u pastarunku šukaŭ u vydańni materyjały, jakija źnievažajuć prezydenta, ale nie znajšoŭ. Pakunak z hazetami viarnuli hramadzkim aktyvistam, jakija na prośbu milicyjantam, pakinuli im čatyry asobniki. Astatnija razdali minakam na toj ža vulicy Leninskaj.
