Sudździa Maskoŭskaha rajonnaha suda stalicy Jaŭhien Chadkievič vynies pastanovu pa administracyjnaj spravie aktyvista hramadzianskaj kampanii «Havary praŭdu» Paŭła Vinahradava.Vinahradaŭ adsiedzić siem sutak administracyjnaha aryštu.
Siońnia było treciaje sudovaje pasiedžańnie pa spravie Vinahradava.
5 sakavika sudździa Chadkievič viarnuŭ dakumienty i pratakoły ŭ Maskoŭski RUUS na dapracoŭku.A 12 sakavika zaprasiŭ novaha śviedku — supracoŭnika Centru izalacyi pravaparušalnikaŭ, što na Akreścina, spadara Haśpierčyka.
Pavodle
Pavodle samoha Paŭła Vinahradava, jaho i nie vypuskali 2 sakavika z Akreścina, a pasadzili ŭ «varanok» i pryvieźli ŭ pastarunak pa vulicy Jasienina. Z akna jamu pakazali kramu, dzie byccam by jon łajaŭsia.
Siońnia na sudzie dapytali ŭ jakaści śviedki milicyjanta z Akreścina Haśpierčyka. Jon śćviardžaŭ, što asabista vyzvaliŭ Vinahradava ŭ 18.35. Kamiery nazirańnia na budynku Centra izalacyi pravaparušalnikaŭ u hety čas čamuści nie pracavali.Siabry Paŭła, blizu 15 čałaviek, baćka i žonka ŭ hety čas čakali jaho kala budynka. Adnak Pavał nie vyjšaŭ.
I tolki, a pałovie na dziasiatuju viečara ź milicyi patelefanavali žoncy i skazali, što Paŭła znoŭ zatrymali.
13 sakavika Paŭłu vynieśli 7 sutak administracyjnaha aryštu. Z ulikam taho, što troje sutak jon užo adsiedzieŭ, Vinahradavu treba jašče adbyć na Akreścina čaćviora sutak.
0
0
0
0
0
0