Mižnarodnaja fiederacyja pravoŭ čałavieka (MFPČ) 19 sakavika raspaŭsiudziła zajavu, u jakoj asudziła pakarańnie śmierciu Dźmitryja Kanavałava i Uładzisłava Kavalova.
«Ich pakarańnie — ilustracyja poŭnaj adsutnaści niezaležnaj sudovaj sistemy ŭ Biełarusi, tamu što vina hetych dvuch maładych ludziej nie była jasna dakazana, a sudovy praces nie byŭ spraviadlivy. Hety rasstreł bolš padobny na sprobu prymusić zamaŭčać dvuch važnych śviedak», — zajaviła kiraŭnik MFPČ Suchajr Biełchasien.
Jana padkreśliła, što Biełaruś źjaŭlajecca apošniaj krainaj u Jeŭropie, dzie prymianiajecca śmiarotnaja kara. «Bolš jak 70% krain pa ŭsim śviecie admianili takoje pakarańnie. Hetymi pakarańniami ŭłady Biełarusi, na žal, vybrali supraćlehły šlach», — skazała Biełchasien.
Jana znoŭ zaklikała biełaruskija ŭłady admianić śmiarotnuju karu abo ŭvieści maratoryj na jaje prymianieńnie.
![Клас Клас](https://nashaniva.com/images/reactions/reaction-like.png)
0
![Панылы сорам Панылы сорам](https://nashaniva.com/images/reactions/reaction-facepalm.png)
0
![Ха-ха Ха-ха](https://nashaniva.com/images/reactions/reaction-smile.png)
0
![Ого Ого](https://nashaniva.com/images/reactions/reaction-omg.png)
0
![Сумна Сумна](https://nashaniva.com/images/reactions/reaction-sad.png)
0
![Абуральна Абуральна](https://nashaniva.com/images/reactions/reaction-anger.png)
0