Jak piša sajt Chartyja'97 sa spasyłkaj na svaje ananimnyja krynicy, litoŭskija biznesoŭcy vystupajuć suprać uviadzieńnia sankcyj na łukašenkaŭcaŭ. Sajt źviazvaje heta z prafiłaktyčnymi hutarkami, jakija nibyta pravodzilisia ź litoŭskimi biznesoŭcami ŭ Biełarusi.
Biznesoŭcy dakazvajuć, što ŭ vypadku sankcyj Litva budzie hublać 2 miljardy jeŭra štohod. U takuju sumu nibyta aceńvajecca ŭvieś hadavy tavarazvarot Biełarusi ź Litvoj, biełaruski tranzit praz Kłajpiedu i praca litoŭskich pradpryjemstvaŭ u Biełarusi.
Miž tym, pavodle aficyjnaj statystyki,
u 2010 hodzie tavarazvarot nasamreč składaŭ usiaho 520 miljonaŭ jeŭra.
«Chartyja'97» śćviardžaje, što ź piaci siabroŭ parłamienckaha kamiteta pa zamiežnych spravach litoŭskaha Sojma, jakija vystupili z zajavaj suprać ekanamičnych sankcyj, troje majuć biznes u Biełarusi, jaki naležyć im ci ich siemjam.
Aproč taho, mohuć nie padtrymać uviadzieńnie sankcyj Łatvija i Francyja. Apošniaja, razam sa Słavienijaj, zamiašanaja ŭ budaŭnictva hatela «Kiempinski» ŭ Minsku, jaki budzie naležyć miljanieru Juryju Čyžu.
0
0
0
0
0
0
