Z 19 pa 28 sakavika staličnaja Dziaržaŭtainśpiekcyja ŭ miežach apieracyi «Aŭtobus» praviaraje haradski pasažyrski transpart i maršrutnyja taksi.
Jak paviedamili ŭ HUUS Minharvykankama, padčas kompleksu mierapryjemstvaŭ supracoŭniki Dziaržaŭtainśpiekcyi ŭzmacnili kantrol za vykanańniem praviłaŭ darožnaha ruchu vadzicielami maršrutnych transpartnych srodkaŭ. U pryvatnaści, inśpiektary źviartajuć uvahu na vykarystańnie ramianioŭ biaśpieki. Taksama ŭ pole zroku darožnaj milicyi trapiać vadzicielaŭ, jakija razmaŭlajuć pa mabilnym telefonie za rulom. Pad asablivym kantrolem znachodziacca chutkasny režym ruchu, prajezd na zabaronny sihnał śviatłafora, parušeńnie praviłaŭ raźmiaščeńnia transpartnych srodkaŭ na prajeznaj častcy. Akramia taho, dziaržaŭtainśpiektary pravierać nieabchodnuju dakumientacyju i techničny stan aŭtobusaŭ.
Supracoŭniki DAI pravodziać rejdy z vykarystańniem aŭtamabilaŭ apieratyŭnaha pryznačeńnia i aŭtamabilaŭ cyvilnaj afarboŭki, abstalavanych videarehistratarami dla ažyćciaŭleńnia skrytaha kantrolu. Dla fiksacyi parušeńniaŭ prymianiajucca fota- i videakamiery.
Za dva miesiacy hetaha hoda ŭ Minsku pa vinie vadzicielaŭ hramadskaha transpartu adbyłosia 4 DTZ, u jakich 4 čałavieki atrymali traŭmy.
