Słavuty dysident adhuknuŭsia na abmierkavańnie jaho intervju ŭ kamientarach na nn.by.
«Pryjemna było daviedacca, što jość ludzi, jakija pravilna mianie zrazumieli, — piša Kukabaka. — Ale
apanienty, jakija marać, što ekanamičnyja sankcyi zdolnyja niejak adchilić Łukašenku ad ułady, dosyć naiŭnyja, kali nie skazać horš.Dastatkova ŭspomnić Franka, Pinačeta, Kim Ir Sena i mnohich da ich padobnych. Samaha kryvavaha — Poł Pota — skinuli tolki z dapamohaj vjetnamskaha vojska. Ale sankcyi Jeŭrasajuza i ZŠA ŭdarać najpierš pa prostych biełarusach, čym abaviazkova skarystajucca ŭ Kramli, kab pazbavić Biełaruś dziaržaŭnaści. Treba pamiatać, što Minsk — heta jašče nie ŭsia Biełaruś (taksama jak Maskva — nie Rasija). Nacyjanalna aryjentavanyja biełarusy składajuć pakul mienšaść. Pry rezkim paharšeńni žyćcia, u vyniku sankcyj, u Pucina źjavicca šaniec prahłynuć Biełaruś z Łukašenkam ci bieź jaho.
Alaksandr Łukašenka dosyć słavalubny, i jon ni ŭ jakich abstavinach nie dazvolić sabie źmianić pasadu prezidenta niezaležnaj Biełarusi na biełaruskaje hubiernatarstva ŭ składzie «Vialikaj Rasii».
0
0
0
0
0
0
