Dahavor ab transfarmacyi JeŭrAzES nie padpisany, tamu što Kazachstan vystupiŭ suprać ekanamičnaha sajuza.Pra heta, jak paviedamlaje RiA Novosti, zajaviŭ Alaksandr Łukašenka 20 sakavika ŭ ekskluziŭnym intervju telekanału Russia Today.
«My sapraŭdy nie pryniali hety prajekt dahavora, nie padpisali. Čamu? Tamu što Kazachstan vystupiŭ kateharyčna suprać ekanamičnaha sajuza», — adznačyŭ Łukašenka.
Pry hetym jon, havoračy pra transfarmacyju JeŭrAzES, padkreśliŭ, što Kazachstan vykazaŭ piarečańni adnosna prapanovy Rasii i Biełarusi, a «my byli adzinyja ŭ padpisańni dahavora».
«My skazali: «Tak, dahavor treba padpisać ab sajuzie». Jany zajavili, što nie treba paskarać hety praces:«Damaŭlalisia ŭ 2015 hodzie vyjści na ŭzrovień sajuznych adnosinaŭ — davajcie ŭ
***
Jak nahadvaje RIA Novosti, dahavor ab zasnavańni JeŭrAzES byŭ padpisany 10 kastryčnika 2000 hoda ŭ Astanie i nabyŭ moc 30 maja 2001 hoda paśla jaho ratyfikacyi ŭsimi
Try členy JeŭrAzES — Rasija, Biełaruś i Kazachstan — utvaryli Mytny sajuz, jaki praduhledžvaje admovu ad pošlin i bolšaści inšych abmiežavańniaŭ va ŭzajemnym handli, a taksama ŭnifikacyju praviłaŭ handlu z trecimi krainami. 1 studzienia 2012 hoda «trojka» stvaryła Adzinuju ekanamičnuju prastoru.
Dla kiraŭnictva intehracyjnymi pracesami ŭ farmatach MS i AEP sfarmiravana Jeŭrazijskaja ekanamičnaja kamisija — mižnarodnaja arhanizacyja, padobnaja pa svaich funkcyjach na Jeŭrakamisiju, nadździaržaŭny orhan vykanaŭčaj ułady Jeŭrapiejskaha sajuza. Kamisiju, jakuju vyrašana raźmiaścić u Maskvie, uznačaliŭ Viktar Chryścienka, raniej ministr pramysłovaści i handlu Rasii.
