U im uziali ŭdzieł pradstaŭniki Siejma, biełaruskaj supolnaści ŭ Litvie, hramadskija dziejačy i apazicyjnyja palityki ź Biełarusi. U Litvu zmahli pryjechać Alaksandr Milinkievič, Stanisłaŭ Šuškievič (jon byŭ śpikieram kruhłaha stała) i jašče niekalki čałaviek. Asnoŭnaja tema kruhłaha stała pierarasła ŭ abmierkavańnie mahčymaha ŭviadzieńnia ekanamičnych sankcyj ES suprać Biełarusi.
Kiraŭnik kamiteta pa mižnarodnych spravach litoŭskaha Siejma Emanuelis Zinhierys paviedamiŭ, što siońnia byli vypracavanyja rekamiendacyi, ź jakimi ministr zamiežnych spraŭ 23 sakavika pajedzie ŭ Brusiel.
Dakumient byŭ składzieny paśla4-ch hadzinaŭ dyskusij i jaho źmiest vyrašana trymać u tajamnicy.
«Pahladzicie na moj tvar i vy zrazumiejecie, što ja niezadavoleny tym, z čym pajedzie naš ministr u Brusiel», — skazaŭ Zinhierys.
Viadoma tolki, što Litva budzie vystupać za ŭviadzieńnie ekanamičnych sankcyj suprać asobnych biełaruskich aliharchaŭ.