25 sakavika hrupa siabroŭ KCHP-BNF na čale z namieśnikam staršyni partyi Jurasiom Bieleńkim a 13-j hadzinie prynieśli bukiet kvietak i list ź vinšavańniami dla Siarhieja Kavalenki z nahody Dnia Voli.
Supracoŭniki administracyi «Vaładarki» paśla šmatlikich zvankoŭ usio ž taki adčynili dźviery i parazmaŭlali z pradstaŭnikami partyi, ale nie dazvolili pieradać kvietki i list. Bukiet aktyvisty pakinuli na łaŭcy pierad izalataram.
«Siarhiej Kavalenka — heta honar nacyi. My i zaraz hanarymsia hetym čałaviekam, i zaŭsiody budziem hanarycca im i takimi, jak jon. Jon nam demanstruje, jak treba zmahacca za volnuju, niezaležnuju Biełaruś», -- skazaŭ Juraś Bieleńki.
Žonka Siarhieja Kavalenki Alena Kavalenka vystupiła na mitynhu na Banhałor. Fota Siarhieja Hudzilina.
Siarhiej Kavalenka trymaje haładoŭku pratestu suproć niezakonnaha, jak jon ličyć, prysudu. Aktyvista pakarali 2 hadami i miesiacam źniavoleńnia za parušeńnie paradku adbyćcia chatniaj «chimii», jakuju jon atrymaŭ za vyviešvańnie bieł-čyrvona-biełaha ściaha na navahodniaj jołcy ŭ Viciebsku.