Arhanizatarami sustrečy vystupili siabry ruchu «Za Maładziečna».
Metaj pasiadžeńnia było žadańnie abjadnać miascovyja demakratyčnyja siły i razhledzieć varyjanty supolnaj pracy, nie źviartajučy ŭvahi na partyjnuju prynaležnaść.
Tamu prysutničali na schodzie jak siabry partyi BNF, AHP, tak i biespartyjnyja apazicyjaniery ź Vilejki, Miadzieła, Vałožyna, Smarhoni i Maładziečna.
Stalicu pa ŭłasnaj inicyjatyvie pradstaŭlaŭ namieśnik staršyni Partyi BNF Aleś Michalevič.
U vyniku pasiadžeńnia było pryniata rašeńnie ab stvareńni ahulnaha rehijanalnaha drukavanaha vydańnia i interniet‑staronki.
Apazicyjaniery vykazali svajo mierkavańnie ab niemetazhodnaści praviadzieńnia ŭ bližejšym časie Kanhresa demakratyčnych siłaŭ, zajavili ab padtrymcy ruchu Alaksandra Milinkieviča «Za svabodu» i vyrašyli ŭziać udzieł u śviatkavańni Dnia Voli 25 sakavika.