Nie vyklučana, što ŭ budučym Nacyjanalnaja akademija navuk Biełarusi budzie refarmavana. Ab hetym paviedamiŭ siońnia ŭ Homieli na sustrečy z
Pavodle słoŭ Alaksandra Radźkova, ciapier nieabchodna vyznačycca ŭ cełym sa stratehijaj dziejnaści hałoŭnaj navukovaj ustanovy krainy. U časy Savieckaha Sajuza, kali biełaruskaja navuka źjaŭlałasia častkaj ahulnasajuznaj sistemy, vydzialalisia vialikija resursy na praviadzieńnie fundamientalnych daśledavańniaŭ. Ciapier takich mahčymaściej niama.
«Navošta nam, naprykład, try instytuty ekanomiki ŭ akademii navuk? Instytut fiłasofii možna było b pieravieści ŭ adnu z VNU,a instytut mašynabudavańnia pieradać Ministerstvu pramysłovaści, ustanaviŭšy pry hetym dvajnoje kiravańnie im. Nieabchodna vyznačycca i pa niekatorych inšych napramkach», — ličyć Alaksandr Radźkoŭ.
Mahčyma, budzie bolš metazhodna pajści pa šlachu tych dziaržaŭ, dzie daśledavańni zasiarodžany va ŭniviersitetach, na pradpryjemstvach i dajuć realny efiekt. Heta nie značyć, što treba pierakreślić nakoplenyja tradycyi i stracić nacyjanalnuju navukovuju škołu. Pytańnie ŭ tym, što nieabchodna znajści bałans pamiž mahčymaściami dziaržavy i addačaj, jakuju moža prynieści narodnaj haspadarcy navuka, adznačyŭ pieršy namieśnik kiraŭnika Administracyi prezidenta.