Lider partyi «Spraviadlivy śviet» Siarhiej Kalakin padsumavaŭ sud u Voršy: «Ułada sama siabie vysiekła i ničoha nie damahłasia. Naadvarot, heta pakazvaje, što ŭsio, što jana robić, heta ad niejkaj złości, što jość ludzi, jakija pa inšamu razumiejuć toje, što adbyvajecca ŭ krainie. My jechali na kanferencyju, dzie pavinna było razhladacca pytańnie pa dapamozie, pa raspracoŭcy mocnaha planu madernizacyi ŭ roznych halinach. Nas tudy nie puścili. Tady ŭźnikaje pytańnie. Łukašenka kryčyć, što jon pakaraje ŭsich, chto zaklikaje da sankcyj. Dyk jon sam i zaklikaje da hetych sankcyj. I toje, što robiać jaho padnačalenyja, tolki spryjaje hetamu. Siońnia treba nie šukać vinavatych, a krychu praćvierazieć i pačać prymać rašeńni, jakija pojduć na karyść Biełarusi».
Karespandent: «Ci pakazvaje hety vypadak, što nievyjaznym apazycyjaneram biełaruskija ułady pierakryvajuć vyjezd za miažu praz Rasieju?»
Kalakin: «Pažyviom — pabačym. Ja dumaju, što niama takich pieraškodaŭ, jakija b nia brała biełaruskaja apazycyja».
Hladzi jašče: Labiedźka: «Heta śpiecaperacyja, jakaja zahadzia rychtavałasia»
