Častka bujnych handlovych sietak Litvy na Vialikdzień skarociać pracoŭny čas ci začyniać častku kramaŭ. Hrafik pracy nie źmianiajuć tolki handlovyja sietki Iki i Rimi.
U pieršy dzień katalickaha Vialikadnia (8 krasavika) z 127 kramaŭ sietki Norfa pracavać płanujuć 38, čas ich pracy budzie skaročany -- z 9 da 17 hadziny, a 9 krasavika ŭsie handlovyja centry Norfa buduć pracavać z 9-j hadziny.
«Niekatoryja kramy pačnuć pracavać na hadzinu paźniej i skončać na hadzinu raniej, niekatoryja naohuł nie buduć pracavać», -- skazała pradstaŭnik handlovaj sietki Maxima Volha Małaškiavičenie.
Handlovyja sietki Maxima i Norfa abjaŭlajuć pra čas pracy na svaich sajtach.
Handlova-zabaŭlalny centr Ozas u pieršy dzień Vialikadnia pracavać nie budzie. U niadzielu ŭ handlova-zabaŭlalnych centrach Akropolis u Vilni, Kłajpiedzie i Šaŭlai buduć pracavać tolki kramy Maxima XXX, apteki i zabaŭlalnyja centry. Na druhi dzień Vialikadnia, u paniadziełak, Akropolis budzie pracavać u zvyčajnym režymie.
Panorama płanuje pačać pracu paźniej, naprykład, restarany i kafe adkryjucca a 12 hadzinie, a ŭ śviatočny dzień nie buduć pracavać adździaleńni bankaŭ i kramy.
Kamientary