Robiać hazetu vučni haradzienskaj «Škoły maładoha žurnalista», što sioleta adznačaje svajo 10‑ci hodździe.
Hazeta «Tvoj styl» stvarajecca vysiłkami haradzienskich žurnalistaŭ – vučniaŭ Škoły maładoha žurnalista. U cełym vydańnie składaje ŭražańnie haradzkoha błohu prafesijnaha ŭzroŭniu. U chutkim časie zapracuje adnajmiennaje on‑łajn radyjo. Užo ciapier usie achvočyja zaprašajucca da pracy na budučym radyjo i ŭ hazecie. Žadajučym prapanujecca biaspłatnaje navučańnie, dziela čaho buduć zładžanyja majstar‑klasy.
Hazeta maje kolki raździełaŭ, siarod jakich «Vir žyćcia», «proSport», «ZOOM», «Kulturystyka». Vydańnie nie ŭnikaje vostrych pytańniaŭ, drukuje hutarki z zabaronienymi litaratarami, paviedamlaje pra zvalnieńnie «apazycyjnaha» prafesara Astroŭskaha ź miascovaha meduniversytetu, piša pra miascovyja cikavostki.
Varta adznačyć, što Škoła maładoha žurnalista, čyje navučency zajmajucca novym internet‑prajektam, adznačyła sioleta 10 hod dziejnaści. Pieršy nabor Škoły pačaŭ navučacca 11 sakavika 1997 h. Nazvu prajektu daŭ Vital Nikanovič, jaki i arhanizavaŭ pieršyja zaniatki. Na toj momant jon byŭ niepaŭnahadovym junakom. Užo praz hod Škoła mieła konkurs 4 čałavieki na miesca – na druhi nabor zapisałasia kala 120 čałaviek. Vypuśniki ŠMŽ pracavali i pracujuć u vydańniach: «Biełorusy i rynok », «Pahonia», «Dień», «Birža informacii», «Viečiernij Hrodno», «Glos znad Nemna», «Hazieta Słonimskaja», «Eŭrapiejskaje radyjo dla Biełarusi», «Naša Niva», na haradzienskich telebačańni i radyjo».
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy11
Kamientary