7 krasavika, u hadavinu śmierci Łarysy Hienijuš, aktyvisty «Maładych demakrataŭ» praviali jaje paminańnie na zelvienskich mohiłkach.
7 krasavika minskija aktyvisty «Maładych demakrataŭ» naviedali mahiłu viadomaj biełaruskaj paetesy Łarysy Hienijuš.
Łarysa Hienijuš — lehienda biełaruskaj paezii, prykład vysokaj čałaviečaj maralnaści, achviarnaj chryścijanki i sapraŭdnaha patryjota Baćkaŭščyny.
Naradziłasia 27 lipienia 1910 hoda ŭ majontku Žłobaŭcy Hrodzienskaj hubierni. Skončyła Vaŭkavyskuju himnaziju (1928). U 1937–1948 žyła ŭ Prazie. Muž tam pracavaŭ doktaram, i jana pajezała za im. U sakaviku 1943 stała Hienieralnym sakratarom urada BNR. 5 sakavika 1948 saviety aryštavala jaje.
Paśla byli dopyty u SIZA KDB pad kiraŭnictvam ministra dziaržbiaśpieki Canavy, turemnyja vyprabavańni. Viarchoŭny sud BSSR pryhavaryŭ Łarysu Hienijuš da 25 hadoŭ źniavoleńnia ŭ łahierach. Niahledziačy na heta, Łarysa Hienijuš nie złamałasia. Paśla častkovaj reabilitacyi, była vyzvalena z turmy, z 1956 hodu pasialiłasia razam z mužam u Zelvie (Hrodzienskaja vobłaść).
7 krasavika 1983 h. Łarysy Hienijuš nie stała. U znak pavahi da hetaha čałavieka, nasupierak voli miascovaj ułady, tysiačy ludziej pryjšli da jaje, kab raźvitacca i pravieści ŭ apošni šlach. Pamiać ab Hienijuš zastajecca ŭ sercach biełarusaŭ.
Vieršy Łarysa Hienijuš pisać pačała jašče ŭ himnazii, a drukavacca — u 1939 hodzie ŭ biełaruskich pieryjadyčnych vydańniach «Ranica», «Biełaruski rabotnik», «Novy šlach» . U 1942 u Prazie vyjšaŭ pieršy zbornik jaje paezii «Ad rodnych niŭ» . Praciahvała pisać vieršy i ŭ źniavolenni. Paśla razvału tatalitaryzmu paśmiarotna byli vydadzieny najbolš poŭnyja i značnyja zborniki jaje tvoraŭ.
Łarysa Hienijuš budzie žyć u pamiaci narodu, pakul žyŭ budzie biełarus.
U hadavinu śmierci Hienijuš, delehacyja minskich «Maładych demakrataŭ» zładziła paminańnie paetesy, la jaje mahiły ŭ Zelvie. Junaki zavitali i da siomaha doma na vulicy Savieckaj, dzie žyli Hienijušy.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB19
Kamientary