U Kijevie zatrymana zabaronienaja da ŭvozu partyja biełaruskaha małaka 3

Kijeŭskaja vieterynarnaja milicyja zatrymała partyju biełaruskaj małočnaj pradukcyi, jakaja realizoŭvałasia ŭ adnym z aptovych handlovych punktaŭ ukrainskaj stalicy, paviedamiła 9 krasavika Dziaržaŭnaja vieterynarnaja i fitasanitarnaja słužba Ukrainy.

Nahadajem, Ukraina 1 sakavika časova prypyniła ŭvoz na svaju terytoryju ź Biełarusi žyvioł, a taksama miasnoj pradukcyi z-za apaski raspaŭsiudžvańnia afrykanskaj čumy śviniej. Taksama z-za sistematyčnych parušeńniaŭ, pavodle zajavy ŭkrainskaha boku, vieterynarna-sanitarnych patrabavańniaŭ (pieravyšeńnie maksimalna dapuščalnych uzroŭniaŭ astatkaŭ vieterynarnych preparataŭ u małočnych praduktach) byŭ časova prypynieny ŭvoz biełaruskaha małaka i małočnych praduktaŭ. Ukrainski bok zajaŭlaje, što abmiežavańni źviazany nie ź jakaściu pradukcyi, a ź jaje biaśpiekaj.

«U vyniku apieratyŭna-śledčych dziejańniaŭ supracoŭniki vieterynarnaj milicyi ŭ Kijevie zatrymali nielehalna ŭviezienuju małočnuju pradukcyju ź Biełarusi, a taksama vykryli punkt jaje zbytu, zachoŭvańnia i transpart, na jakim jana trapiła ŭ stalicu», — havorycca ŭ paviedamleńni na aficyjnym sajcie Dziaržvietsłužby.

Z realizacyi vyklučana małako, dziciačaja suchaja małočnaja sumieś, johurty, kiefir, śmietankovaje masła i małako — usiaho bolš za 10 ton pradukcyi, jakaja była ŭvieziena ŭ krainu paśla ŭviadzieńnia zabarony na impart, nie mieła dazvolnych dakumientaŭ i zachoŭvałasia ŭ nienaležnych umovach. Usia kanfiskavanaja pradukcyja padlahaje ŭtylizacyi. Pry hetym uładalniki niezakonnaj pradukcyi pryznalisia, što navat nie zdahadvalisia ab zabaronie na biełaruskuju małočnuju pradukcyju i kupli jaje ŭžo ŭnutry krainy.

«Adnak isnuje infarmacyja, što kantrabanda na ŭkrainska-biełaruskaj miažy nabyła niezvyčajny razmach. Z-za adsutnaści mahčymaści lehalna ŭvozić i pradavać małočnuju pradukcyju, pradprymalniki pajšli na ryzyku, i zaraz niezakonna pierasiakajuć miažu z zabaronienaj małočnaj pradukcyjaj», — zajaŭlaje vieterynarnaja i fitasanitarnaja słužba.

Zaraz rabotniki vieterynarnaj milicyi pravodziać pravierki ŭ Kijevie, vyklučajučy biełaruskuju małočnuju pradukcyju z abarotu i zakryvajučy handlovyja kropki, dzie jana realizujecca.

Razam z tym, jak raniej paviedamlałasia, rašeńnie ab mahčymym źniaćci abmiežavańniaŭ na pastaŭku biełaruskaj miasa-małočnaj pradukcyi va Ukrainu budzie prymacca paśla 9 krasavika. Da 9 krasavika pavinny być pradastaŭleny vyniki praviedzienaha ŭ Biełarusi aŭdytu.

Jak paviedamlałasia raniej, 30 sakavika ŭ Biełarusi była zavieršana praca inśpiektaraŭ Dziaržvietfitasłužby Ukrainy pa praviadzieńni aŭdytu sistemy dziaržaŭnaha kantrolu pry vytvorčaści małočnych i miasnych praduktaŭ. Aprača taho, jany naviedali šerah biełaruskich pierapracoŭčych pradpryjemstvaŭ. Biełaruski bok zaznačyŭ, što «rašeńnie ab źniaćci abmiežavańniaŭ na ŭvoz va Ukrainu biełaruskaj miasa-małočnaj pradukcyi pa vynikach aŭdytu budzie prymacca Dziaržaŭnaj vieterynarnaj i fitasanitarnaj słužbaj Ukrainy va ŭstanoŭlenym paradku, ab čym biełaruskamu boku budzie paviedamlena pa dypłamatyčnych kanałach».

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH