Piačerski sud Kijeva pakaraŭ siońnia piaciu hadami źniavoleńnia byłoha ministra abarony Valera Ivaščanku pavodle abvinavačańnia ŭ złoŭžyvańni słužbovym stanoviščam.
Versija śledztva kaža, što jon niezakonna pradavaŭ majomaść Fieadasijskaha sudnamechaničnaha zavodu, čym nanios škodu dziaržavie amal na 9 miljonaŭ dalaraŭ. Sam jon vinu admaŭlaje.
Ivaščanka staŭ čaćviortym asudžanym, jaki pracavaŭ va ŭradzie Cimašenki. Aproč samoj eks-premjerki, jakaja atrymała 7 hadoŭ źniavoleńnia, čatyrochhadovy termin u turmie adbyvaje były kiraŭnik MUS Jury Łucenka. Try hady za pieravyšeńnie słužbovych paŭnamoctvaŭ atrymaŭ były ministar navakolnaha asiarodździa Hieorhi Filipčuk. Ministar ekanomiki Bahdan Danilišyn — abvieščany ŭ vyšuk.
U studzieni Parlamenckaja Asambleja Rady Eŭropy zaklikała ŭkrainskija ŭłady spynić palityčnyja represii suprać papiaredniaha ŭradu i vyzvalić z-za krataŭ byłych uradoŭcaŭ.