Prava na biaspłatnyja leki atrymajuć prykładna 300 tys. dziaciej 1

Pavodle ŭkaza prezidenta ad 22 sakavika 2012 hoda № 139 «Ab ilhotnym zabieśpiačeńni lekavymi srodkami asobnych katehoryj hramadzian» prava na biaspłatnyja leki pry ambułatornym lačeńni atrymajuć prykładna 300 tys. dziaciej,

paviedamiła načalnik adździeła dapamohi maci i dzieciam Ministerstva achovy zdaroŭja Alena Bohdan 17 krasavika na pres-kanfierencyi ŭ Minsku. Pavodle jaje słoŭ, na biaspłatnaje zabieśpiačeńnie lekavymi srodkami dziaciej ź biudžetu praduhledžana patracić 10–12 młrd. rubloŭ. U stacyjanarach chvoryja luboha ŭzrostu pa-raniejšamu atrymlivajuć lačeńnie za košt biudžetu, padkreśliła Bohdan.

Jana zaznačyła, što mahčymaści atrymlivać biaspłatnyja leki dzieci da troch hadoŭ pazbavilisia zhodna z zakonam «Ab dziaržaŭnych sacyjalnych ilhotach, pravach i harantyjach dla asobnych katehoryj hramadzian», padpisanym prezidentam 14 červienia 2007 hoda.

Namieśnik načalnika ŭpraŭleńnia arhanizacyi miedycynskaj dapamohi Ministerstva achovy zdaroŭja Ludmiła Žylevič paviedamiła, što aprača dziaciej ilhotnaje zabieśpiačeńnie lekami pa ŭkazie № 139 atrymali 135 tys. invalidaŭ III hrupy. Im dajecca prava na 50-pracentnuju skidku ad koštu lekaŭ, što «vydajucca pa receptach uračoŭ u miežach pieraliku asnoŭnych lekavych srodkaŭ, dla lačeńnia zachvorvańniaŭ, što pryviali da invalidnaści».

Žylevič zaznačyła, što chvoryja mohuć atrymlivać ilhotnyja recepty jak na biełaruskija, hetak i na impartnyja preparaty. Lhotny recept vydajecca tolki ŭ vypadku ahladu ŭračom i tolki ŭ dziaržaŭnych arhanizacyjach achovy zdaroŭja, padkreśliła jana. Kupić leki pa lhotnym recepcie možna ŭ aptekach dziaržaŭnaj formy ŭłasnaści.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH