Školnica: Videaklip «Ja iz dierievni!» — heta kpina z patryjotaŭ 32

U internecie ŭžo katory dzień hulaje prapahandyscki rep «Ja iz dierievni!» ŭ vykanańni siamikłaśnicy z haradskoha pasiołka Akciabrski Homielskaj vobłaści Ksienii Dziahielki. 18 krasavika ŭ rajcentr Akciabrski pryjazdžali navat supracoŭniki KDB — spraŭdzić, ci źjaŭlajecca videaklip patryjatyčnym?

A siońnia, 19 krasavika, u miascovy Dom dziciačaj tvorčaści, dzie vysiłkami nastaŭnika-hurtkoŭca Andreja Pavuka naradzilisia tekst i muzyka klipa,

panajechali supracoŭniki dziaržaŭnaha telebačańnia, kab z aficyjnaha hledzišča patłumačyć tekst prapahandysckaha klipa:

«Dołoj mini-jubki! Korotkoje, uzkoje! Tiepieŕ pokupať budiem vsio biełorusskoje!», «Dostaniem iz niedr našich fosfor i kalij, čtoby v dostatkie rabotał ahrarij!»

U Domie tvorčaści tak i papiaredžvajuć: «My ŭsie kamientary pakiniem ANT, BT. Voś! Prakamientujem usiu hetuju situacyju».

Tym časam baćki Ksienii stali abačliva abierahać 13-hadovuju dačku ad dačasnaj papularnaści: videaklip usio-tki rychtavaŭsia na pijanierski konkurs «Ja — lidar», jaki maje adbycca ŭ Mazyry ŭžo na nastupnym tydni — 25 krasavika. Mama Ksienii naohuł pa-fiłasofsku stavicca da niečakanaj papularnaści: «Słava — sprava takaja, jana prychodzić i sychodzić. Ja sa stracham na heta hladžu. Budzie konkurs, buduć razmovy. Mierkavańni roznyja».

I sapraŭdy, navat u Akciabrskim pa-roznamu ŭsprymajuć pasažy, kštałtu «Skažiem „spasibo“ za chleb na polach i za chorošuju žizń v dierievniach».

Raspaviadaje małady baćka z rajcentra Akciabrski: «Kali b heta była niejkaja dziciačaja tematyka, tady b možna łahodniej adnieścisia.

Pa formie klip jašče ničoha, a pa źmieście… Mnie nie pa sabie ad hetaha, što dziaciej uciahvajuć u takija rečy».

Navučeniec Alaksandr z Akciabrskaha ličyć, što dziaŭčynku prosta vystaŭlajuć u jakaści vyraźnika dumak moładzi pra zamožnaje žyćcio pad kiraŭnictvam viaskovaha lidara: «Arhanizavali i prosta čałavieka vystavili. Jak byccam usio hładka, usio dobra, viesieła. Baloniki ŭsim vydali, na płošču vyhnali. Sensu ja naohuł nie baču — hłupstva niejkaje. Heta tolki pa televizary pakazvajuć i chočuć usich pierakanać. A nasamreč daloka nie ŭsio tak. Klip hety — jak by mierkavańnie moładzi, naviazvajuć jaho nam. A klip — prosta niejkaja hańba».

Homielskija školniki jašče bolš kateharyčnyja ŭ svaich mierkavańniach.

Dziesiacikłaśnik Andrej: «Ja liču, što ŭvieś hety prajekt, raspačaty BRPA i BRSM — poŭnaja łaža. Moładź nie budzie na takoje torkać.

A tyja, što klunuć — albo niedaraźvityja, albo nierazumnyja patryjoty, jakija za Łukašenku vystupajuć».

Adnakłaśnica Andreja ličyć videaklip «prykołam», ź jakoha ŭ internecie prosta paciašajucca: «Heta naohuł usie ŭsprymajuć jak niejki prykoł. Nie viedaju, heta žach na samaj spravie, niejki kałhas! Dla sučasnaj moładzi heta vielmi śmiešna. Ja pačatak pahladzieła, vytrymała, moža, chvilinu.

Mnie padajecca, što heta prykoł. Nu, blin, usie tak usprymajuć».

Ale jak ža być z patryjatyčnym źmiestam videaklipa, na jaki jaŭna raźličvali jahonyja stvaralniki?

Školnica Paŭlina: «Ja nia baču absalutna ničoha patryjatyčnaha. Navat kali brać patryjotaŭ, to heta niejkaja kpina ź ich».

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH