Mikałaju Statkieviču šmat pišuć ludzi sa ŭsiaho śvietu, kaža Maryna Adamovič sa spasyłkaj na apošnija listy ad muža. U tym liku Statkieviču pryjšło pasłańnie ź Filipinaŭ. Palitviazień z zadavalnieńniem adznačaje, što navat z dalnich krain jamu pišuć ŭ asnoŭnym biełarusy.
«Napisaŭ, što voś pryjšoŭ stos listoŭ, ŭ tym liku ad Paŭła Sieviarynca i ažno ź Filipinaŭ. Jamu adtul piša biełaruskaja siamja. Uvohule jon z zadavalnieńniem adznačaje, što pišuć z roznych kutkoŭ śvietu, ale pieravažna biełarusy».
U 2011 hodzie Mikałaj Statkievič byŭ asudžany za Płošču da 6 hadoŭ źniavoleńnia. Spačatku adbyvaŭ pakarańnie ŭ Škłoŭskaj kalonii. Sa studzienia 2012 hodu Statkieviča pieraviali ŭ krytuju Mahiloŭskuju turmu jak złosnaha parušalnika turemnaha režymu i viaźnia, jaki nia staŭ na šlach vypraŭleńnia.