Łukašenka daručyŭ Nacbanku i ŭradu zrabić aktyŭnyja zachady pa źnižeńni inflacyi.
Adpaviednuju zadaču jon pastaviŭ 11 maja, prymajučy z dakładam staršyniu praŭleńnia Nacbanka Nadzieju Jermakovu.
«Usio, što vy mnie skažacie pra kurs rubla, układy, rabotu ekanomiki, ja ŭ ahulnych rysach viedaju. Situacyja składvajecca niakiepska. Miarkuju, što čas Nacbanku pierš za ŭsio, uradu pierachodzić da pytańniaŭ inflacyi. Čas užo supakoić ludziej», — skazaŭ jon.
Jak adznačyŭ Łukašenka, zaraz niama padstaŭ dla rostu inflacyi, u źniešnim handli składvajecca dadatnaje salda. «My ŭ pryncypie vyrašajem tyja balučyja pytańni, jakija nie mahli vyrašyć hadami, a to i dziesiacihodździami. Zaraz situacyja vyraŭnavałasia.
Jašče raz padkreślivaju: dachody nasielnictva buduć raści. Heta adnaznačna. Treba dumać, što rabić ź inflacyjaj i jak ź joj zmahacca»,— daručyŭ Łukašenka, zaŭvažyŭšy, što ŭ Biełarusi inflacyja kantralavanaja i adbyvałasia ŭ tym liku
Nadzieja Jermakova prainfarmavała pra situacyju na valutnym rynku, farmiravańnie zołatavalutnych reziervaŭ, kredytavańnie ekanomiki. «Zachady, što robiacca Nacbankam u śfiery
Łukašenka taksama pastaviŭ pierad bankaŭskaj sistemaj zadaču źviarnuć dadatkovuju ŭvahu na kredytavańnie efiektyŭnych inviestycyjnych prajektaŭ, budaŭnictva žylla dla majučych patrebu hramadzian.
Akramia taho, dadzieny daručeńni pa padtrymańni i pavieličeńni zołatavalutnych reziervaŭ. Zaraz jany składajuć $8 młrd. Pavodle słoŭ Nadziei Jermakovaj, jak subjekty haspadarańnia, tak i nasielnictva aktyŭna pradajuć valutu, stabilizavaŭsia kurs biełaruskaha rubla.
Nacbank i ŭ dalejšym maje namier pravodzić žorstkuju manietarnuju palityku i rabić zachady pa źnižeńni inflacyi. Napiaredadni było pryniata rašeńnie ab źnižeńni z 16 maja staŭki refinansavańnia da 34% hadavych.
«U nas siońnia ŭsie ŭmovy dla hetaha jość. Inflacyja dazvalaje, i staŭka refinansavańnia budzie znachodzicca ŭ adnosinach da jaje na stanoŭčym uzroŭni mienavita pa standartach, toj formie raźlikaŭ, jakaja rekamiendavana MVF», — skazała Nadzieja Jermakova.
Ciapier čytajuć
U centry Minska tajamniča źnikła dačka dyrektara bujnaha ahrakompleksu3
Kamientary